جاڭالىقتار
«ايەلىنە وبال, جۇرەگى قاق ايىرىلعان»: اندەرىنىڭ شىعۋ تاريحىن ايتقان قۇرماش ماحان سىنعا قالدى
ەلىمىزگە بەلگىلى ءانشى قۇرماش ماحان “قىزىق Times” باعدارلاماسىنا بەرگەن سۇحباتىندا “اڭسارىم” ءانىن قوسىلا الماعان عاشىعىنا ارناپ شىعارعانىن ايتىپ, جۇرتتىڭ سىنىنا قالدى, دەپ حابارلايدى Qandastar.kz اقپارات پورتالى.
”جان سىرىم” ءانىن ءبىر قىزعا ارنادىم. سوسىن ول قىز باسقا كىسىگە تۇرمىسقا شىقتى. مەن باسقا كىسىگە ۇيلەندىم. ارادا 5 جىل وتكەندە سول كىسى مەنىڭ ەسىمە ءتۇسىپ, تۇسىمە كىرەدى. ەرتەڭىنە سول ساتكە دەگەن ساعىنىشپەن وسى ءان شىقتى. ول انگە نازيرا بەردالى قارىنداسىما قولقا سالىپ, ولەڭ جازدىرعانمىن.
“ۇنايدى” دەگەن ءان “اڭسارىم” ءانىنىڭ جالعاسى. نەگىزى ءبىر كەيىپكەرگە 9 ءان جازىلدى. ساعىنىشتان تۋعان اندەر. ءبىر ميۋزيكل تۇسىرۋگە بولادى. وسى اندەردەن كينو تۇسىرەمىز دەپ مەنى قورقىتىپ جۇرگەن رەجيسسەر, دراماتۋرگ دوستارىم كوپ. ازىرگە تەك ايتىپ ءجۇر, بۇيىرسا, كورەمىز”, — دەيدى ول.
ءاننىڭ تاريحىن بىلگەن كوپشىلىك ونەر يەسىنىڭ ايەلىنە قانشالىقتى قيىن بولعانىن بولجاپ, ءتۇرلى پىكىر جازعان.
”سۇيىكتى ءانىم ەدى. تاريحىن ءبىلىپ, تىڭداعىم كەلمەي قالدى”, “ايەلىنە وبال, مىنانى ەستىپ, جۇرەگى قاق ايىرىلعان شىعار”, “وتىرىك بولسىن باسقا نارسە ايتۋ كەرەك ەدى”, “كوڭىلىم قالدى, وتباسى بولا تۇرا قالايشا باسقا ادامعا ءان ارنايدى”, “مىنا ءاندى ەندى تىڭدامايمىن”, — دەپ جازدى ولار.
