جاڭالىقتار
«ايعىر تالاعانداي»: بالاباقشادا كىشكەنتاي ءبۇلدىرشىندى 25 رەت تىستەگەن
فوتو:سكرين
دەمەك كەمى 3-5 بالا جابىلىپ تىستەگەن.
قىزىلوردا وبلىسى, شيەلى اۋدانىنداعى «رايانا» بالاباقشاسىندا تاربيەشىنىڭ كومەكشىسى سىرتقا گورشوك توگۋگە كەتىپ, بالالار جالعىز قالعان ۋاقىتتا 1,5 جاسار قىزدى سول توپتاعى بالا 25 رەت تىستەپ تاستاعان, دەپ حابارلايدى qandastar.kz اقپارات پورتالى baq.kz-كە سىلتەمە جاساپ.
بۇل تۋرالى قازاقتىڭ ارۋجانى ەسىمدى Facebook قولدانۋشىسى ءوز پاراقشاسىندا جاريالادى.
شيەلى اۋدانىنداعى «رايانا» اتتى بالاباقشادا بولعان جاعدايدى اتا-اناسى جاڭا عانا جىبەردى. تاربيەشىنىڭ جاۋاپسىزدىعىنان بولىپ وتىر بۇل جاعداي. تاربيەشى كومەكشىسى سىرتقا گورشوك توگۋگە كەتىپ بالالار جالعىز قالادى, سول ۋاقىتتا ورىن العان جاعداي دەپتى بالاباقشا باسشىلىعى. بۇل جاعدايدا 1,5 جاسار قىزدى 1 جاس 3 ايدان اسقان بالا تىستەدى دەپتى. كىتتاي عانا بالانىڭ 25 رەت جالعىز ءوزى تىستەپ, وسىنداي زالال اكەلۋى قيسىنعا سوقپايدى. انا كىتتاي قىز قاشىپ كەتە المايتىنداي بولىپ تۇر عوي. دەمەك كەمى 3-5 بالا جابىلىپ تىستەگەن. ساع 12:00-دە بولعان بۇل سوراقىلىقتى كەشكە دەيىن اتا-اناسىنا ايتپاۋ, العاشقى مەديتسينالىق كومەك كورسەتپەۋ ءۇشىن قانشالىقتى جاۋىز بولۋ كەرەك? — دەپ جازدى ول.
بالاباقشادا بەينەكامەرا بولعان, بىراق ىستەمەي قالعان كورىنەدى.
ۆيدەوكامەرا بولعانىمەن, اياق استى اشپاي, ىستەمەي قالىپتى. ىستەمەيتىن كامەرا نەگە كەرەك? شيەلى اۋدانىنىڭ پوليتسيا ءبولىمى سىزدەرگە اتا-اناسى ارىز تاستادى سول بويىنشا جۇمىس جاساۋلارىڭىزدى سۇرايمىز. كامەرا جازباسىن الىڭىزدار قالايدا! — دەيدى ارۋجان.
ول وبلىستىق جاۋاپتى ورگاندارعا ءوزىنىڭ كوكەيىندە تۋىنداعان بىرنەشە سۇراعى مەن تالابىن قويدى.
وسى جاعداي ورىن العاندا تاربيەشىنىڭ ءوزى قايدا? كومەكشى نەگە تاستاپ كەتەدى بالانى? نەگىزى زاڭ بويىنشا بالاعا تاربيەشى قاراۋ كەرەك, كومەكشى ەمەس. بۇل 1-2 مينۋتتا ورىن العان جاعداي ەمەس, كەمى جارتى ساعات ۋاقىت العان. سوندا شىرقىراپ جىلاعان بالاعا ءبىر ادامنىڭ كەلىپ قاراماعانى ما?
ەڭ سوراقى جاعداي شيەلى اۋداندىق ءبىلىم ءبولىمى ءبىزدىڭ جاۋاپكەرشىلىكتە ەمەس دەپ وتىر. سوندا كىمنىڭ جاۋاپكەرشىلىگىندە بۇل بالالار? مەملەكەت ەمەس پە وسى جەكە بالاباقشاعا اقشا اۋداراتىن? ء«بىزدىڭ دىمىمىز كەتپەيدى» دەگەندەي بۇلك ەتپەي وتىر. قىزىلوردا وبلىستىق ءبىلىم كاسىپوداعى, قىزىلوردا وبلىسىنىڭ ءبىلىم باسقارماسى, قىزىلوردا قالاسىنىڭ ءبىلىم ءبولىمى نازارعا الىڭىزدار. شيەلى ءبىلىم ءبولىمىنىڭ شاماسى جەتپەسە جەكە بالاباقشالارعا!
بالاباقشانى تولىقتاي تەكسەرۋگە السىن. وسى ءىس بويىنشا اتا-اناعا ءتيىستى كومەك كورسەتىلىپ, جاۋاپسىز قىزمەتكەرلەر ورىندارىن بوساتسىن! — دەپ ءسوزىن تۇيىندەدى ارۋجان.
بۇل جاعداي الەۋمەتتىك جەلىدە رەزونانس تۋدىرىپ, اشۋلانعان وقىرماندار ءتۇرلى پىكىر جازىپ جاتىر.
كامەرا كەرەك كەزدە جاساماي قالسا, سول بالاباقشاداعى باسشىلاردىڭ ءىسى بولۋى مۇمكىن. نەگە جاساماي قالادى وسىنداي كەزدە? تاربيەشىمەن قوسىپ باسشىسىن دا جازاعا تارتۋ كەرەك.
ايعىر تالاعانداي تالاپتى. تاربيەشىلەر شوشقا تاعالاعان با?
جاۋاپسىزدىققا جول بەرگەندەر جازالانسىن. تىستە ۋ بولادى. دارىگەرگە كورسەتۋ كەرەك, — دەپ وقىرماندار پىكىرلەرىمەن بولىسۋدە.
