«Aıǵyr talaǵandaı»: Balabaqshada kishkentaı búldirshindi 25 ret tistegen

Qyzylorda oblysy, Shıeli aýdanyndaǵy «Raıana» balabaqshasynda tárbıeshiniń kómekshisi syrtqa gorshok tógýge ketip, balalar jalǵyz qalǵan ýaqytta 1,5 jasar qyzdy sol toptaǵy bala 25 ret tistep tastaǵan, dep habarlaıdy qandastar.kz aqparat portaly baq.kz-ke silteme jasap.

Bul týraly Qazaqtyń Arýjany esimdi Facebook qoldanýshysy óz paraqshasynda jarııalady.

Shıeli aýdanyndaǵy «Raıana» atty balabaqshada bolǵan jaǵdaıdy ata-anasy jańa ǵana jiberdi. Tárbıeshiniń jaýapsyzdyǵynan bolyp otyr bul jaǵdaı. Tárbıeshi kómekshisi syrtqa gorshok tógýge ketip balalar jalǵyz qalady, sol ýaqytta oryn alǵan jaǵdaı depti balabaqsha basshylyǵy. Bul jaǵdaıda 1,5 jasar qyzdy 1 jas 3 aıdan asqan bala tistedi depti. Kittaı ǵana balanyń 25 ret jalǵyz ózi tistep, osyndaı zalal ákelýi qısynǵa soqpaıdy. Ana kittaı qyz qashyp kete almaıtyndaı bolyp tur ǵoı. Demek kemi 3-5 bala jabylyp tistegen. Saǵ 12:00-de bolǵan bul soraqylyqty keshke deıin ata-anasyna aıtpaý, alǵashqy medıınalyq kómek kórsetpeý úshin qanshalyqty jaýyz bolý kerek? — dep jazdy ol.

Balabaqshada beınekamera bolǵan, biraq istemeı qalǵan kórinedi.

Vıdeokamera bolǵanymen, aıaq asty ashpaı, istemeı qalypty. Istemeıtin kamera nege kerek? Shıeli Aýdanynyń Polıııa Bólimi sizderge ata-anasy aryz tastady sol boıynsha jumys jasaýlaryńyzdy suraımyz. Kamera jazbasyn alyńyzdar qalaıda! — deıdi Arýjan.

Ol oblystyq jaýapty organdarǵa óziniń kókeıinde týyndaǵan birneshe suraǵy men talabyn qoıdy.

Osy jaǵdaı oryn alǵanda tárbıeshiniń ózi qaıda? Kómekshi nege tastap ketedi balany? Negizi zań boıynsha balaǵa tárbıeshi qaraý kerek, kómekshi emes. Bul 1-2 mınýtta oryn alǵan jaǵdaı emes, kemi jarty saǵat ýaqyt alǵan. Sonda shyrqyrap jylaǵan balaǵa bir adamnyń kelip qaramaǵany ma?

Eń soraqy jaǵdaı Shıeli aýdandyq Bilim bólimi bizdiń jaýapkershilikte emes dep otyr. Sonda kimniń jaýapkershiliginde bul balalar? Memleket emes pe osy jeke balabaqshaǵa aqsha aýdaratyn? «Bizdiń dymymyz ketpeıdi» degendeı búlk etpeı otyr. Qyzylorda oblystyq Bilim kásipodaǵy, Qyzylorda oblysynyń Bilim basqarmasy, Qyzylorda qalasynyń Bilim bólimi nazarǵa alyńyzdar. Shıeli bilim bóliminiń shamasy jetpese jeke balabaqshalarǵa!

Balabaqshany tolyqtaı tekserýge alsyn. Osy is boıynsha ata-anaǵa tıisti kómek kórsetilip, jaýapsyz qyzmetkerler oryndaryn bosatsyn! — dep sózin túıindedi Arýjan.

Bul jaǵdaı áleýmettik jelide rezonans týdyryp, ashýlanǵan oqyrmandar túrli pikir jazyp jatyr.

Kamera kerek kezde jasamaı qalsa, sol balabaqshadaǵy basshylardyń isi bolýy múmkin. Nege jasamaı qalady osyndaı kezde? Tárbıeshimen qosyp basshysyn da jazaǵa tartý kerek.

Aıǵyr talaǵandaı talapty. Tárbıeshiler shoshqa taǵalaǵan ba?

Jaýapsyzdyqqa jol bergender jazalansyn. Tiste ý bolady. Dárigerge kórsetý kerek, — dep oqyrmandar pikirlerimen bólisýde.