الەۋمەت جانە قوعامجاڭالىقتار
ايماعامبەتوۆ اۋىلعا دەگەن ساعىنىشىمەن ءبولىستى
ءماجىلىس دەپۋتاتى اسحات ايماعامبەتوۆ بالالىق شاعى قالاي وتكەنىن ايتتى, دەپ حابارلايدى qandastar.kz
دەپۋتات Khabar ارناسىنا بەرگەن سۇقباتىندا بالا كەزىندە ۋاقىتتى قالاي وتكىزگەنىن ەسىنە الدى.
بالالىق شاعىم اۋىلدا ءوتتى. مەن ءۇشىن ەڭ ءتاتتى, ەڭ قىمبات ەستەلىكتەر بالالىق شاعىممەن بايلانىستى. ەڭ الدىمەن اۋىلدىڭ جازى, انام پىسىرگەن تابا ناننىڭ ءيىسى. انام تاڭەرتەڭ سيىر ساۋعاننان كەيىن سەپاراتورمەن ءسۇت تارتاتىن. سونىڭ قايماعىنا جاڭا پىسكەن ىستىق ناندى توسا قالىپ جەيتىنبىز. ونىڭ ءدامى ءالى كۇنگە دەيىن اۋزىمدا تۇر, — دەيدى ايماعامبەتوۆ.
ول جازدا ۇيىندە قۇرت تا جاسالعانىن ەسىنە الدى.
قۇرتتى شاتىردىڭ ۇستىنە جايىپ قوياتىن. شاتىرعا شىعىپ, قۇرت الىپ جەيتىنبىز. وعان قوسا قوي دا باعاتىنبىز. قوي باعۋ قازىر شىتىرمان وقيعا سياقتى عوي, بىراق ول كەزدە ەستەن كەتپەيتىن ءسات ەدى. ءسويتىپ قوي كەزەگىندە قوي باقتىق. كەشكە مال تۇگەل بولماسا, باسقا ءۇيدىڭ قوراسىنان قوي ىزدەيتىنبىز. مىنە ءبىزدىڭ بالالىق شاعىمىز وسىلاي ءوتتى, — دەدى دەپۋتات تەلەارناعا بەرگەن سۇقباتىندا.
