«اينەك ءتۇسىپ سىنعان»: قارجاۋباي نۇرىموۆتىڭ قارىنداسى مۇرنىنا قاتىستى ءمان جايدى ءتۇسىندىردى

فوتو: اشىق دەرەككوز

مارقۇم شەرزات بولاتتىڭ اكەسىنىڭ فوتوسىن كورگەندەر سوڭعى كەزدە ونىڭ كوزى كوگەرىپ, مۇرنى قيسايىپ قالعانى تۋرالى كوپ ايتا باستادى, دەپ حابارلايدى qandastar.kz Ulysmedia.kz سىلتەمە جاساپ.

وسىعان وراي Ulysmedia تىلشىلەرى قارجاۋباي نۇرمانوۆتىڭ قارىنداسى پەريزات نۇرىموۆادان ءمان-جايدى سۇراعان ەدى.

بىرىنشىدەن, سۋرەتكە تۇسكەندە دۇرىس راكۋرس ۇستالماي قالعان, ەكىنشىدەن, ونىڭ مۇرنى بۇرىننان قيسىق ەدى. دەگەنمەن, وقيعا بولعان كۇنى, دۇكەننەن قاشقان كەزدە بەتىنە بوتەلكە تيگەن. قازىر سىزدەر بەتىندەگى ىسىگى قايتقان ءتۇرىن كورىپ جۇرسىزدەر عوي, ونىڭ بەتى بىراق ءىسىپ كەتكەن سۋرەتى بار. بەت-الپەتىندە سول جاراقاتتان قالعان كوگەرگەن ىزدەرى ءالى تۇر – دەدى پەريزات نۇرىموۆا.

تىلشىلەردىڭ «بۇعان دەيىن ونداي بەلگىلەر بايقالماعان ەدى» دەگەن كۇمانىنە ول فوتوعا دۇرىس تۇسىرىلمەگەنىن ايتتى.

ءورت بولعان كۇندەرى دە سونداي بولعان. فوتوعا جوعارىدان تۇسىرگەندىكتەن, بايقالماعان بولۋى مۇمكىن. ال مۇرىنى بۇرىن, ۇيدە اينەك قويىپ جاتقان كەزدە, اينەك قۇلاپ كەتكەن. سودان سىنعان. ودان كەيىن ەشقانداي جاراقات, ەشقانداي كۇش كورسەتۋ بولعان جوق – دەپ ءتۇسىندىردى قارجاۋبايدىڭ قارىنداسى.