اقبوپە ابىلقاسىموۆا دەپۋتاتتاردىڭ ءتارتىبىن سىنعا الدى

بۇرىنعى دەپۋتات اقبوپە ابىلقاسىموۆا ءماجىلىس دەپۋتاتتارىنىڭ ءتارتىبىن قاتاڭ سىنعا الدى.

«ءماجىلىس وتىرىستارىنان بىرنەشە ۆيدەو كوردىم. جاڭادان كەلگەندەر دە, ەسكى قازاقستاننان ءالى وتىرعاندار دا وتە ەموتسيونالدى سويلەيدى. وعان دالەل: مينيسترلىك ەسەپتەرىنەن بەينە جازبالار نەمەسە مينيسترلەردىڭ قالا قۇرىلىسى كودەكسىنە قاتىستى زاڭ جوبالارىنىڭ ۇسىنىسىنا قاتىستى وي بولىسۋلەرى. مەن دەپۋتاتتىق كوميسسيانىڭ كەڭەيتىلگەن وتىرىسىنان ماجىلىسكە توراعالىق ەتۋشى دەپۋتات مەلس ەلەۋسىزوۆتىڭ ءسوزىن دورەكى تۇردە بولگەن بەينەجازبانى كوردىم», – دەپ جازدى اقبوپە ابىلقاسىموۆا Facebook پاراقشاسىندا.

ول دەپۋتاتتاردىڭ ادەپ كودەكسىن باسشىلىققا الۋى كەرەكتىگىن, وتىرىستا ورىن العان جايت دورەكىلىك ەكەنىن تىلگە تيەك ەتتى.

«دەپۋتاتتار – زاڭ شىعارۋشى تارماقتىڭ, مينيسترلەر – اتقارۋشى بيلىكتىڭ وكىلدەرى ەكەنىن ءتۇسىنۋ كەرەك. بيلىكتىڭ ەكى تارماعى دا تەڭ. قازىر كوپتەگەن مينيسترلەر العاشقى وكىلەتتىكتەرىن وتەۋگە كەلمەيتىن دەپۋتاتتاردان الدەقايدا ساۋاتتى. دەپۋتاتتار مينيسترلەردى حالىق جاۋى ەتىپ كورسەتپەكشى. نەمەسە جۇمىستىڭ سىرتقى بەتىن عانا كورسەتىپ, كامەرادا “باتىر” بولىپ كورىنگىسى كەلەتىن سياقتى. نەلىكتەن? ولار كامەرادا ايعايلاپ, ۇرسىسادى, بىراق سوڭىندا قولداپ داۋىس بەرەدى ەمەس پە? سونىمەن بىرگە ولار حالىقتى بيلىككە دە, وزىنە دە قارسى قويادى. مەنىڭشە, اركىم ءوز ورنىندا ارەكەت ەتۋدى ۇيرەنەتىن ۋاقىت كەلدى, ەموتسيالاردى الدەقايدا سىپايى تۇردە كورسەتۋگە بولادى. حالىققا قانداي ۇلگى كورسەتىپ جاتىرسىزدار? دورەكىلىكتىڭ قالىپتى ەكەنىن ۇيرەتۋدەسىزدەر مە? ەرتەڭ حالىقپەن كەزدەسكەندە ءسىز دە وسىنداي جاۋاپ الۋىڭىز مۇمكىن ەكەنىن ەسكەرۋىڭىز كەرەك. ويتكەنى “نە ەكسەڭ, سونى وراسىڭ” – دەيدى ساياساتكەر.

ابىلقاسىموۆا ادەپ كودەكسىن تاجىريبەدە قولدانۋ ماسەلەسىن كوتەرۋ قاجەتتىگىنە نازار اۋدارادى.

«مينيسترلەر مەن اكىمدەر جۋرناليستەردى ەلەمەي كامەراعا ءسۇيىسىپ جاتىر, دەپۋتاتتار مينيسترلەرگە اشىق دورەكىلىك تانىتادى, ولار تسيرككە حالىقتى قىزىقتىرۋ ءۇشىن كەلمەگەنىن ءتۇسىنۋ كەرەك. ولاردى ءبىر-ەكى رەت جاۋاپقا تارتۋ كەرەك, سوندا بارىنە بىردەن جەتەدى», – دەپ جازادى ابىلقاسىموۆا.

ەسكە سالايىق, وسىعان دەيىن ماجىلىستە وتكەن دوڭگەلەك ۇستەل بارىسىندا بەلگىلى قازاقستاندىق ەكولوگ مەلس ەلەۋسىزوۆ پەن دەپۋتات ەدىل جاڭبىرشين اراسىندا داۋ تۋىنداعان ەدى. ەلەۋسىزوۆ الماتى وبلىسىندا اعىندى سۋلارعا بايلانىستى ۇلكەن قاۋىپ بارىن ەسكەرتتى.