«Áke-sheshemniń salǵyrttyǵy sebep boldy»: Onkologııamen aýyryp, qolyn kesýge májbúr bolǵan arý qazaqstandyqtardan kómek surady

Foto Juldyz Aljanovanyń jeke arhıvinen

Qaterli isikpen aýyratyn 27 jastaǵy shymkenttik Juldyz Aljanovanyń qolyna jeti ret ota jasalyp, sońǵysynda bir qolyn kesip tastady. Ata-anasy qyzdarynyń dertine nemquraıly qarap, emdeý sharalaryn sozyp júre bergen. Jaman aýrý ókpesine shaýyp, qazir ol Ońtústik Koreıada emin jalǵastyryp jatyr. Arý qazaqstandyqtardan kómek surap, densaýlyǵyn qalpyna keltirýge qarajat jınap berýdi suraıdy. Onyń qazirgi jaǵdaıyn Stan.kz tilshisi habarlasyp, surap bildi.

«Tuqymqýalaýshylyq bar sekildi…»

Juldyz Aljanova bala kezinde jerge qolymen qatty qulap, jaraqattap alǵan. Bolmashy syzat dep mán bermegen ata-anasy qyzdarynyń densaýlyǵyna salǵyrt qaraǵan. Qyz jaman aýrý naǵashylarynan kelgen dep topshylap otyr.

«Áke-sheshemniń aıtýynsha, bul jaǵdaı 3 jasymnan bastaldy. Sebebi sol kezde qolymmen qatty qulap, jaraqat aldym. Úlkender aýrýhanaǵa aparǵan eken. Biraq ol týraly tolyq ashyp, ekeýi de aıtqan joq. Esimde, balabaqshaǵa baryp júrgende qoldy shapalaqtatyp oınatatyn. Oınaǵan kezde qolym qatty aýyryp, ókirip jylaıtynmyn. Basketbol, voleıbol degen sport túrlerin múldem oınaı almaıtynmyn. Keıde synyptastarym qolym aýyratynyn bile týra mazaqtaıtyn. Oılana kele, anam jaqtan bul aýrýǵa tuqymqýalaýshylyq bar sekildi. Sebebi ájem onkologııadan qaıtys boldy. Olar bul týraly óte kesh bildi. Anamnyń úlken ápkesiniń basynda da isik boldy», – dedi Juldyz Aljanova.

Juldyz Aljanovanyń qolyna ampýtaııa 10 sáýirde jasaldy. Ol ortalyq áser etý mehanızmi bar esirtkilik opıoıdty analgetık qabyldasa da, aýyrsynýǵa shydamaǵan.

«Ota óte aýyr ótti. Qatty uıyp aýyrdy. Bir sózben aıtqanda, aýyrsyný shogyna shydaı almadym. Tramodoldyń ózi de áser etken joq. Amalym taýsyldy. О́ıtkeni qolym jumys isteýge jaramsyz bolyp qaldy. Buǵan deıin qolyma 7 ret operaııa jasaldy. Negizi, besinshi otada dárigerler ampýııa jasamaı turyp, hımııa-terapııa qabyldasyn dep aıtty. Eger jaǵdaı qıyndasa qolymnyń basbarmaǵyn kesemiz dedi. 2019 jyly menimen birge ákem dárigerge erip bardy. Alaıda ákem emge de, kesýge de qarsy shyqty. Qolymdy aman alyp qalǵysy keldi. Al sońǵy ampýtaııaǵa kelisimdi ózim berdim. Qolymdaǵy aýrý ókpege shaýyp, kólemi ulǵaıyp ketti. Sondyqtan basqa jerge metostaz (aýrý týdyratyn isik kletkalarynyń ekinshi oshaǵy) ótpeı turyp, kesip tastaýdy uıǵardym», – dedi qyz.

«Barlyq jerge ózim júgirdim»

Ota kezinde Juldyzdyń janynda eshkim bolmaǵan. Tipti janyna demeý bolatyn ata-anasy da kómek bermegen. Qyzdyń sózinshe, ol shetelge baryp, em izdemegende bári kesh bolatyn edi.

«Qolymdy aman alyp qalýǵa bolar edi. Munda birinshiden, áke-sheshemniń salǵyrttyǵy, ekinshiden jany ashıtyn dárigerdiń bolmaýy, úshinshiden, densaýlyǵyma nemquraıly qaraýym boldy. Bala kezde qolym qatty aýyryp, qatty jylaǵanym úshin ákem anamdy uryp tastaǵan edi. Sodan beri aýyrǵany týraly eshkimge aıtpaı, shydap keldim. 4-5-6-synyptarda analız qaǵazdaryn oqyǵanda jaman aýrýǵa kúdik bolǵan eken. Buǵan ata-anam nazar aýdarmaǵan. Biraq barlyq jerge ózim júgirdim. Qazir qolym aýyrmaıdy», – dedi Juldyz Aljanova.

«Halyq emin qoldanyp júrgende kóp ýaqytymdy zaıa ketirdim»

Qyzdyń jaqyndary ony bilikti dárigerge aparyp, kórsetýdiń ornyna halyq emine júginýdi durys kórgen. Juldyzdyń aıtýynsha, baqsylarǵa baryp, «Tıan-Shıan» BAD-yn iship, ýaqytyn joǵaltyp alǵan.

«Úlkender dárigerlerdiń aıtqanyn elemeı, «kórip tursyń, em-shara nátıjesiz bolyp jatyr» dep jıi aıtty. Túptep kelgende ol em-sharalar sońyna deıin jalǵasyn tappady. Osy kezde isimeı turǵan qolym úlken bolyp ketti. Bir úıde turǵan soń amal joq solardyń aıtqanyn istedim. Halyq emin qoldanyp júrgende kóp ýaqytymdy zaıa ketirdim. Sóıtip dertim 3-stadııaǵa ótip ketti. Jumsaq tinderdiń sarkomalary bar qaterli isik dıagnozy qoıyldy. Ata-anam dıagnozymdy bile tura, eshnárse istemedi. Basqalardyń jaqyndary sekildi at-ústime túsken joq. Baýyr eti balasy úshin janyn salǵan joq. Dárigerdiń qabyldaýyna jalǵyz baratynmyn. Ásirese, medbıkeler «áke-shesheń, baýyrlaryń bar ma?» dep suraǵanda, ózimdi qoıarǵa jer tappaıtynmyn», – dedi keıipker.

Juldyz Aljanovanyń joǵary bilimi bar. Alaıda qazir jumys istemeıdi. 2023 jyldan bastap tolyq emnen ótip jatyr.

«Búginge deıin emime ketken jalpy somma 30 mıllıon teńgeden asady. Bastapqy 15 mıllıon teńgeni ákem berdi. Alaıda kóp soma bergenimen, artymnan aýyr-aýyr sózder aıtty. Em-shara jaqsy nátıje berip jatqan kezde ákem maǵan «sol Koreıańda ólip qala salshy» dep qatty aıtty. Budan keıin áleýmettik jelide adamdardan kómek surap, qarjy jınaı bastadym. Sonyń arqasynda qarajat tıisti em-domyna ketti. Áli de osy elde emdelip jatyrmyn. Sebebi dárigerim uzaq emdelesiń dep aıtty. Kúndelikti targetti preparatty (bul jańa ádis adamnyń saý tinderine meılinshe zaqym keltirmeı, qaterli isikke tikeleı áser etetin preparattardy qoldanýdy qarastyrady) qabyldaımyn. 21 kún saıyn hımııa-terapııa alyp jatyrmyn. Eń bastysy, mende jaqsy nátıje bolyp jatyr. Dáriger mundaı nátıjege kóp adam jete bermeıdi dep qýantyp qoıdy», – dedi naýqas qyz.

Juldyz Aljanova barsha qazaqstandyqtardan emdi úzbes úshin qarjy jınap berýdi suraıdy. Onyń aıtýynsha, qazir emoııalyq jáne materıaldyq kómekke muqtaj.

«Berilgen kezderim de bolǵan. Qazir em alyp júrgenim úlken qoldaýlardyń arqasynda. Iá, men tanymaıtyn, biraq men úshin duǵa etetin halqym bar. Maǵan úlken serpilis bergen de ózderińiz… Qolda bar altynnyń qadirin bar kezde túsinińizder. Densaýlyqpen synalǵan kezde ómirge degen kózqarasyń 100% ózgeredi eken. Sebebi osy arqyly jaqyn adamdarymnyń ekijúzdi ekenin bilip jatyrmyn. Aınalyńyzdy tek senimdi, adamgershiligi bar adamdarmen qorshańyzdar. Qazirgi emim toqtap qalmaý úshin halyqtan qarajat jaǵynan qol ushyn sozýyn suraımyn», – dep aǵynan jaryldy Juldyz Aljanova.