«اكە-شەشەسىنىڭ كوزىنشە ولتىرگەنى اۋىر»: جوعارعى سوتتىڭ ەكس-توراعاسى جاقىپ اسانوۆ شەرزات بولاتتىڭ ولىمىنە قاتىستى پىكىر ءبىلدىردى

جوعارعى سوتتىڭ بۇرىنعى توراعاسى, سەناتور جاقىپ اسانوۆ 16 جاستاعى شەرزات بولاتتىڭ ولىمىنە قاتىستى پىكىر ءبىلدىردى. وعان جۋرناليستەر بىرنەشە سۇراق قويىپ, ونىڭ وپگ ليدەرى حاسان قاسىمباەۆپەن تانىستىعى بار-جوعىن ءبىلدى, دەپ حابارلايدى KYN.KZ اقپارات اگەنتتىگى.

ايتۋىنشا, قاسىمباەۆپەن ەشقانداي تۋىستىق نە بولماسا باسقا دا بايلانىسى جوق.

«تالعاردا بولعان بۇل وتە قيىن جاعداي. قياناتتىڭ قياناتى عوي. جاپ-جاس مەكتەپتەگى جاس بالاعا ەرەسەك بىرنەشە جىگىت جابىلىپ, اكە-شەشەسىنىڭ قولىن بايلاپ, كوزىنشە ولتىرگەنى اۋىر عوي. قازانىڭ جەڭىلى جوق دەيدى. مىناۋ بىراق وتە اۋىر», – دەدى اسانوۆ.

سونداي-اق, ءجۋرناليستىڭ «تالعاردا تۋىسقانىڭىز بار ما?» دەگەن سۇراعىنا دا جاۋاپ بەرىپ, ەشكىمدى تانىمايتىنىن ايتتى.

“پروكۋراتۋرا سوتتىڭ اشىق ءوتۋىن سۇرايمىز دەپ ايتىپ قالدى. بىراق ونى سۋديا شەشەدى. ول تۋرالى مەنىڭ ايتقانىم ورىنسىز بولادى. ويتكەنى ونى سول ءىس بويىنشا توراعالىق ەتەتىن سۋديا شەشەدى”, – دەدى جاقىپ اسانوۆ.