«Ákem de renishin aıtty»: Qazaqtyń dástúri men Abaıdy qorlaǵan Álııa Áshim halyqtan keshirim surady

Foto: ashyq derekkóz

Medıajoba avtory, derekti fılmdermen tanymal kontent prodıýseri Álııa Áshim áleýmettik jelide qyzý talqylanǵan Qarqaralydaǵy vıdeoǵa baılanysty resmı pikir bildirip, óz pozıııasyn túsindirdi,dep habarlady qandastar.kz  Todayinfo-ǵa silteme jasap.

«Sizder — ákem, aǵa-ápkelerimmen teń qaýymsyzdar. Men bul vıdeodan keıin “Abaıdy qorlaǵan qyz” degen atpen este qalamyn dep eshqashan oılamappyn», – dep jazdy ol.

Álııa Qarqaralydaǵy beınerolıktiń mazmuny kópshilikke qate áser qaldyrǵanyn moıyndap, bul úshin jaqyndarynyń eskertýin de alǵanyn jasyrmady.

«Ákemniń ózi de renishin aıtty. Sol úshin tabalaý emes, janashyrlyqpen, oryndy syn aıtqan aǵa-ápkelerden shyn júrekten keshirim suraımyn», – deıdi ol.

Ol bul vıdeoda Abaıdy mazaq etý nemese mádenıetti qorlaý maqsaty bolmaǵanyn, derekkóz retinde “Salt-dástúr sóıleıdi” kitaby paıdalanylǵanyn, silteme kórsetilgenin aıtady.

Álııanyń aıtýynsha, jobalardy qarjylandyratyn qandaı da bir top nemese lobbı joq. Onyń komandasy:

• AQSh-ta bilim alǵannan keıin
• Jeke ınvestıııalar men jarnama arqyly

Freedom Holding Corp., Bi Group, Aviasales, Halyk Bank, Sandyq Group syndy kompanııalarmen seriktesip,

Jarnama aqysyn aǵartýshylyq jobalarǵa baǵyttap keledi.

Olardyń bastamasymen «Qonaev dáýiri», «Biz nege oryssha sóıleımiz?», «Jeltoqsan» sekildi derekti fılmder túsirilip, keıin jastarǵa arnalǵan formatta TikTok pen Instagram arqyly taratylǵan.

Avtor qazirgi tańda Jeltoqsan oqıǵasyna qatysqan 100-den asa azamattyń 40-yna suhbat jazyp alǵanyn, bul jumysty óz qarajattaryna atqaryp júrgenin aıtady.

«Bul — tarıhı jadty saqtaý. Aǵa-ápkelerimizdiń kózi tirisinde bul derekterdi jınap qalý — bizdiń urpaqtyń paryzy», – deıdi Álııa.

Álııa jazbasyn shyn nıetpen, ashyq ári jaýapkershilikpen aıaqtaǵan:

«Abaıdy mazaq etý, tarıhty qorlaý degen nıet mende eshqashan bolǵan emes. Kerisinshe, tarıhı refleksııa arqyly dekolonızaııa proesine úles qosyp, jastarǵa oı salý – bizdiń basty mıssııamyz. Ortaq múddemiz — sanaly qoǵam qalyptastyrý», – dedi ol.