«Ákem meni kóp urdy»: Bloger Sabına Movlaeva balalyq shaǵyn esine alyp jylap qaldy

Foto: ashyq derekkóz

«Qalaýlym» baǵdarlamasy arqyly kópshilikke tanymal bloger Sabına Movlaeva Taboo podkastynda bala kúnin esine alyp, kóz jasyna erik berdi, dep habarlaıdy Qandastar.kz.

Ánshi Anar Batyrhanmen suhbatynda bala kúninde bolmaıtyn nárse úshin ákesi uratynyn aıtty.

«Meniń ákem bala kúnimde meni óte kóp uratyn. Onyń túsiniginde qyz balany uryp tárbıeleý kerek eken. Kishkentaı kezimde úıde dúken bolatyn. Satyp alýshylar balmuzdaq alsa, maǵan da bireýin ustatyp ketetin. Men balamyn ǵoı, qatty qýanyp kúlsem, ákem qolyndaǵy zatyn jiberip qalatyn. Anam kórip turyp aıaıtyn. Qazir eki inim «nege biz sol kezde ákemizge qoı demedik» dep ókinedi. Baýyrlaryma ákemniń qolynyń ushy da tıgen emes. Aqyry anam bólek turýǵa sheshim qabyldady. Ákem meni ura bergesin, anam da sharshap ketti. «Bul qyz erteń mynadaı soqqydan qutylý úshin erterek turmysqa shyǵyp ketedi» dep aıtty. Sodan ekeýi bólek ketti. Ákemdi eshqashan jamandaǵan emespin», – dedi bloger.