«اكەممەن سويلەسكىم كەلمەيدى»: ايتەنوۆ پەن اتەشوۆانىڭ بالالارى پسيحولوگيالىق سوققى العان

فوتو: اشىق دەرەككوز

استانادا شىمكەنتتىڭ بۇرىنعى اكىمىنىڭ اعاسى مارات ايتەنوۆ پەن ونىڭ بۇرىنعى ايەلى دانا اتەشوۆاعا قاتىستى سوت پروتسەسى جالعاسىپ جاتىر. سوتتا بۇرىنعى ەرلى-زايىپتىنىڭ بالالارىنىڭ پسيحولوگيالىق جاعدايى تۋرالى ماماننىڭ پىكىرى وقىلدى. بۇل تۋرالى Stan.kz اقپارات اگەنتتىگى حابارلايدى.

پسيحولوگ بالالارمەن تىلدەسكەن, سول كەزدە ولاردىڭ اكەسىنە قاتىستى جاعىمسىز ەموتسيالارىن انىقتادى. ال اناسىنا قاتىستى سۇيىسپەنشىلىك پەن سەنىمدى قارىم-قاتىناس قالىپتاسقانى بەلگىلى.

دانا اتەشوۆانىڭ ادۆوكاتى ءاليا وماروۆا پسيحولوگ ولار بالالار پسيحوتەراپياسىنان ءوتۋ كەرەك دەگەن شەشىمگە كەلگەنىن اتاپ ءوتتى.

«مەن اكەمنىڭ ءنومىرىن ءوشىرىپ تاستاعىم كەلەدى, ونىمەن سويلەسكىم كەلمەيدى. انامدى ۇرادى, ءبىزدى ۇيدەن قۋدى, ال ول جاقتا دوستارىم بار ەدى. ءبىز بولەك تۇرعاندا ول مەنىڭ تۋعان كۇنىمە كەلمەدى».

«اكەم انامدى ۇرىپ-سوعاتىن, ونى ۇنەمى رەنجىتەتىن. ءبىر رەت ونى باسپالداقتان لاقتىرىپ جىبەردى. مەنى رەنجىتكەن جوق, مەنىڭ انامدى عانا رەنجىتتى, بۇل ماعان اۋىر ءتيدى, ويتكەنى ول مەنىڭ اناشىم عوي», – دەگەن بالالار پسيحولوگقا.

مامان اناسى تۋرالى جانە باسقا دا تاقىرىپتاردا بالالار جاعىمدى ەموتسيالار وتكەرەتىنىن بايقاپتى. بىراق ۇيدەن شىعارىپ جىبەرگەن كۇن جانە اكەسى تۋرالى اڭگىمەدە كوڭىل-كۇيى ءتۇسىپ كەتكەن. بالالار پسيحولوگيالىق سوققى العان دەپ ءتۇسىندىرىپتى.

پسيحولوگتىڭ بايانداماسىنان ۇزىندىلەردى وقىعان ادۆوكات مۇنى قىلمىستىق ءىس ماتەريالدارىنا قوسۋدى سۇرادى.

«مەنىڭ قىزىمدا پانيكا بولىپ تۇرادى. مەنى ۇلىم ويناپ, قىتىقتاعاندا, قىزىم جىلاپ, «اناما تيىسپە, اناما تيىسپە!» دەپ ايقايلادى. وسىدان كەيىن قاسىمنان ءبىر ەلى قالمايدى, ءتىپتى سۋعا تۇسەتىن كەزدە قاسىمدا تۇرادى, مەنەن اجىراعىسى كەلمەيدى. پوليتسيا قىزمەتكەرلەرىنەن قورقىپ قالعان. كوشەدە كورىپ قالسا, «ماما, ابايلا, پوليتسيا!» دەپ ايقايلايدى», – دەدى دانا اتەشوۆا.

ەسكە سالايىق, دانا اتەشوۆا 12 شىلدە كۇنى بۇرىنعى كۇيەۋى مەن ونىڭ ادامدارى ءتارتىپ ساقشىلارىمەن ءوزىن ۇيدەن كۇشتەپ, قۋىپ شىقپاق بولعانىن ايتتى. اتەشوۆا بۇرىنعى كۇيەۋى مارات ايتەنوۆتىڭ ۇستىنەن بىرنەشە رەت شاعىمدانعان. ول – شىمكەنت قالاسىنىڭ بۇرىنعى اكىمىنىڭ اعاسى. سونداي-اق دانا اتەشوۆا پرەزيدەنتتەن كومەك سۇراعان ەدى.

بۇعان دەيىن مارات ايتەنوۆتىڭ 5 تاۋلىككە قاماۋعا الىنعانى تۋرالى جازعان ەدىك.