«اكەسى ايسۇلتان, اجەسى داريعا»: نازارباەۆتار اۋلەتى جايلى تاعى ءبىر دەرەك اشكەرە بولدى

فوتو: اشىق دەرەككوز

ساياسي بەلسەندى سەرىكجان ەسەنعوس ۇلى سۋرروگاتتىق جولمەن دۇنيەگە كەلگەن بالالار تۋرالى ءسوز قوزعاپ, نازارباەۆتار اۋلەتىنە قاتىستى ءبىر  دەرەكتى ايتتى, دەپ حابارلايدى ulysmedia.kz.

«ىقپالدى اۋلەتتىڭ سۋرروگاتتىق جولمەن دۇنيەگە كەلگەن بالالارى تۋرالى ءسوز بولعاندا شىنايى ءبىر وقيعا ەسىمە ءتۇسىپ كەتتى. انانىڭ سۋرروگاتتىق ەمەس, ءوز بالاسىن تارتىپ العان. ونى نەكەسىز تۋعان بالاسىنان باس تارتۋعا ماجبۇرلەگەن. ۇل بالانى اكەسىنىڭ شەشەسى, ياعني اجەسى اسىراپ العان. قىز بالاسىن ساعىنىپ زارىعادى, بىراق قولىنان كەلەر قايران جوق. ءبىر كەزدەسۋدى ارماندايدى. ءبىر قالادا تۇرسا دا, كەزدەسۋ مۇمكىن ەمەس. ول بالاسىمەن ارالاسسا دا, ونى ەشقاشان قايتارا المايتىنىن تۇسىنەدى. ويتكەنى, بالانىڭ اكەسىنىڭ ەسىمى ايسۇلتان, اجەسىنىڭ ەسىمى داريعا…», – دەپ جازدى ول.

ايسۇلتان نازارباەۆ تۋرالى نە بەلگىلى

ايسۇلتان نازارباەۆ – داريعا نازارباەۆا مەن راحات اليەۆتىڭ ەكىنشى ۇلى. ونى بۇقارالىق اقپارات قۇرالدارى كوبىنەسە «ەلباسىنىڭ سۇيىكتى جيەنى» دەپ اتايدى.

1990 جىلى 26 تامىزدا ومىرگە كەلگەن. بالا كەزدەن فۋتبولعا قىزىققان. 2006 جىلى قازاقستاننىڭ جاسوسپىرىمدەر قۇراماسىنىڭ ساپىندا ەۋروپا چەمپيناتىنىڭ ىرىكتەۋ تۋرنيرىنە قاتىستى. «چەلسي» جانە «پورتسمۋت» جاستار كوماندالارى مەن قازاقستاندىق «استانا» كومانداسىندا ويناعان.

2013 جىلى «قازرومگاز» اق باسشىسى قايرات بورانباەۆتىڭ قىزىنا ۇيلەنگەن بولاتىن. 2016 جىلدىڭ جازىندا ەكى جاستىڭ وتباسىندا امەلي ەسىمدى قىز دۇنيەگە كەلدى.

2019 جىلدىڭ ءساۋىر ايىندا ايسۇلتان نازارباەۆ فەيسبۋكتەگى جەكە پاراقشاسىندا اتى-ءجونىن ايسۇلتان راحات (Aisultan Rakhat) دەپ, ال وتباسىلىق جاعدايىن «اجىراسقان» دەپ وزگەرتكەن.

ونداعى مالىمەتكە سۇيەنسەك, تۇڭعىش پرەزيدەنتتىڭ جيەنى 2019 جىلدىڭ 5 اقپانىندا اجىراسقان.

ايسۇلتان نازارباەۆ 16 تامىزعا قاراعان ءتۇنى لوندوندا قايتىس بولدى.

الدىن الا نۇسقا بويىنشا جۇرەگى توقتاپ قالعان. وزگە مالىمەتتەر جاريا ەتىلمەدى.