اكىم بۇرىنعى ايەلىن 11 جىل بويى ۇرىپ-سوعىپ, ازاپتاعان

ايەلدىڭ ايتۋىنشا, بۇرىنعى كۇيەۋى رينات يبراگيموۆ اتىراۋ وبلىسى ماقات اۋدانىنىڭ اكىمى قىزمەتىن اتقارادى. بۇرىن سپورتشى بولىپ, ءتىپتى وليمپيادا ويىندارىنا قاتىسقان ەكەن.

اقمارال ۇمبەتقاليەۆانىڭ سوزىنشە, اكىم كۇيەۋى ونى بالالارىنىڭ كوزىنشە ۇرىپ, مۇگەدەك قىلامىن دەگەن. 2021 جىلى ماس كۇيىندە ۇرعان كەزدە بەتىن سىندىرىپتى. سوڭعى رەت 2023 جىلى سوققىعا جىققاندا كەۋدە ومىرتقاسى سىنىپ, ءبىر اي بويى اياعىن باسا الماي قالعان ەكەن. سول كەزدە كۇيەۋى كەلىپ, بالالارىن الىپ كەتىپ, سول كۇيى كورسەتپەي قويعان.

اتىراۋ وبلىسى پوليتسيا دەپارتامەنتىنىڭ حابارلاۋىنشا, ءىس سوتقا 2024 جىلى اقپاندا جىبەرىلىپتى. ال وبلىستىق سوت, ىسكە قاتىستى كەلەسى سوت وتىرىسى 29 مامىر ساعات 10.00-دە بولاتىنىن حابارلادى.