Jańalyqtar
Ákimder tasqynnan keıin salynyp jatqan úılerdiń sapasyna jeke jaýap beredi – Bektenov
Foto: ashyq derekkóz
Premer-mınıstr Oljas Bektenov sý tasqynynan keıin turǵyn úıler men ınfraqurylymdy qalpyna keltirý máseleleri boıynsha keńes ótkizdi, dep habarlaıdy úkimettiń baspasóz qyzmeti.
Úkimettiń málimetinshe, sý tasqyny saldarynan barlyǵy 19 342 jyljymaıtyn múlik (jalǵyz baspana bolyp sanalatyn úıler men saıajaılar) zaqymdanǵan, onyń 8 578-i qalpyna keltirýge jaramsyz dep tanylǵan.
«Búgingi tańda 2 578 úı qurylysy men 6 myń jyljymaıtyn múlikti satyp alý boıynsha jumystar júrgizilýde», – delingen úkimet habarlamasynda.
Premer-mınıstr SQO-da 200, Pavlodar oblysynda 5 jańa úı qurylysynyń jedel júrgizilgenin atap ótti. Sondaı-aq jýyrda Qostanaı oblysynda 22 úı tapsyrylady.
Ákimdikter qajetti qarjymen tolyq qamtamasyz etildi, barlyq kemshilikter joıyldy, salynyp jatqan úılerdiń úlgilik jobalary bekitildi.
«Jekelegen óńirlerde jumys kestesinen 15-25 kúnge artta qalýshylyq bar. Atap aıtqanda, Batys Qazaqstan, Aqtóbe, Aqmola jáne Atyraý oblystarynda qurylys qarqyny tómen», – dep atap ótti úkimet.
Bektenov ákimderge árbir nysanǵa adamdar men tehnıka jumyldyrýdy tapsyryp, prezıdent júktegen mindetterdi oryndaý úshin shamamen 2,5 aı qalǵanyn eske saldy.
Bul rette ol qurylys normalaryn buzýǵa jol bermeý kerektigin talap etti.
«Qalpyna keltirý jumystarynyń qarqynyn jedeldetý qajet. Qurylys materıaldaryn jetkizýge, eńbek resýrstary men arnaıy tehnıkany alańdarda jumyldyrýǵa baılanysty barlyq máseleni jyldam sheshý kerek», – dedi Bektenov.
Ol kesteden keshigýge ákelip soǵatyn barlyq problemalar týraly dereý ortalyqqa habarlaý keretigin aıtty.
«Qajet bolsa, biz resýrstardy qaıta bólip, tehnıka men adamdardy kóbeıtemiz. Barlyq qurylys normalary men qaýipsizdik talaptarynyń saqtalýyn qamtamasyz etý mańyzdy. Bul máseleler azamattardy alańdatpaýy kerek. О́ńirlerdiń ákimderi úılerdiń sapasyna jeke jaýap beredi», — dedi úkimet basshysy.
Premer-mınıstr ónerkásip jáne qurylys mınıstrligine qurylys jumystarynyń sapasyn qatań baqylaýdy tapsyrdy.
Premer-mınıstrdiń tapsyrmasy boıynsha ónerkásip jáne qurylys mınıstri Qanat Sharlapaev, energetıka jáne kólik vıe-mınıstrleri jumys ýaqytynyń negizgi bóligin barlyq jumys aıaqtalǵanǵa deıin óńirlerde, tikeleı qurylys alańdarynda ótkizetin bolady.
Jergilikti joldardy jóndeýge jáne rekonstrýkııalaýǵa úkimet rezervinen 22,7 mlrd teńge bólinip, zardap shekken óńirlerdegi mektepterdi qalpyna keltirýge 7,5 mlrd teńge baǵyttaldy. Barlyq mektep oqý jyly bastalǵanǵa deıin qalpyna keltiriledi.
