«اكىمدىك شارا قولدانسىن»: استاناداعى تۇرعىن ۇيلەردىڭ ءبىرىن 2-قاباتقا دەيىن سۋ باسىپ قالعان

جەلىدە استانا قالاسىنداعى «جاڭا ارقا» تۇرعىن ءۇي كەشەنىن سۋ باسىپ قالعانى جايلى ۆيدەو تارادى, دەپ حابارلايدى  qandastar.kz  Skifnews.kz اقپارات پورتالىنا سىلتەمە جاساپ.

تۇرعىنداردىڭ ءبىرى اكىمدىككە ۆيدەو-ۇندەۋ رەتىندە جولداماق بولىپ تۇسىرگەن. ونىڭ ايتۋىنشا سۋ وزدەرى تۇرىپ جاتقان تۇرعىن ءۇيدىڭ جەر تولەسىنە كىرىپ جاتىر. اتالعان تۇرعىن ءۇيدىڭ قۇرىلىسى دا ءالى اياقتالماي تۇرعان كورىنەدى.

«اكىمدىك, وتىنەمىن ءبىر شارا قولدانىڭىزدارشى. مۇندا ماسالار, ەگەۋقۇيرىقتار, جاقىندا سۋ استى قۇندىزدارى پايدا بولادى. بۇل «جاڭا ارقا» تۇرعىن ءۇي كەشەنى. قورداي 87,89. سۋ ەكىنشى قاباتقا دەيىن كوتەرىلىپ تۇر. قورشاۋلارىنىڭ ءوزى سۋ وتكەن سوڭ بۇزىلىپ تۇر. ءۇيىمىز پاندۋستا ورنالاسقان. سۋدىڭ بارلىعى جەرتولەمىزگە ءوتىپ جاتىر. قۇرىلىستىڭ قالدىقتارى جەل تۇرعان سايىن ۇشىپ, جەرگە تۇسەدى. ونى بالالار ۇستايدى, اۋزىنا سالادى», — دەدى ول.