جاڭالىقتار
اقمولا وبلىسىندا 6 جولدى سۋ شايدى
اقمولا وبلىسىندا جەرگىلىكتى ماڭىزداعى 6 جولدى سۋ شايدى
سالدارىنان كولىك قاتىناسى توقتادى. قازىر قاۋىپتى جول ۋچاسكەلەرىنە ينەرتتى ماتەريال توسەلىپ, سۋ شايعان تۇستارى بەكىتىلىپ جاتىر. كوكتەم كەلىسىمەن ايماقتا 29 جولدى سۋ شايعان. ونىڭ ىشىندە بەسەۋى رەسپۋبليكالىق, 11-ءى وبلىستىق جانە 13-ءى – اۋداندىق ماڭىزداعى تاسجولدار. تالعات قايراتحان, «جول اكتيۆتەرى ساپاسىنىڭ ۇلتتىق ورتالىعى» وبلىستىق فيليالىنىڭ ديرەكتورى: — ءبىزدىڭ ينجەنەرلار جول باعىتىنا شىعىپ, جول ۇستىنەن سۋ اعۋ فاكتىسى بولسا مەردىگەر ۇيىمعا جانە تاپسىرىس بەرۋشىگە اقپارات جولداپ, سول جەردە جول ۇستىندەگى سۋدىڭ ەنىن, بيىكتىگىن انىقتاپ اقپارات بەرەمىز. مۇمكىندىك بولسا, جول باعىتىنا شەكتەۋ قويماۋعا تىرىسامىز. بىراق جاعداي ۋشىعا باستاسا, شەكتەۋلەر ورناتىلادى.
