جاڭالىقتار
اقمولا وبلىسىندا الاياققا سەنگەن زەينەتكەر بانككە 7 ملن تەڭگە قارىز بولىپ قالدى
19 ماۋسىمدا اقمولا وبلىسىنىڭ تۇرعىنىنىڭ اتىنا بەلگىسىز ادام, “ۇيالى بايلانىس كومپانياسىنىڭ قىزمەتكەرى” 7 ملن تەڭگەدەن استام سوماعا نەسيە رەسىمدەدى.
زارداپ شەككەن 72 جاستاعى جەرگىلىكتى تۇرعىننىڭ وتىنىشى قوسشى قالاسىنىڭ پوليتسيا بولىمىندە تىركەلدى.
زەينەتكەردىڭ ايتۋىنشا, ەر ادام وعان SIM كارتاسىنىڭ قىزمەت مەرزىمىن ۇزارتۋدى ۇسىنعان جانە SMS-كە كەلگەن كود جازۋدى سۇراعان. ءارى قاراي, جابىرلەنۋشىگە جەتەكشى بانكتىڭ جالعان قىزمەتكەرلەرىنەن ونىڭ اتىنان نەسيە الۋعا ءوتىنىم تۋرالى جالعان اقپارات كەلىپ تۇسە باستادى, ونىڭ كۇشىن جويۋ ءۇشىن ەر ادام جەكە جسن مەن جۇبايىنىڭ جسن-ءىن حابارلاۋى قاجەت ەكەنىن ايتقان. الاياقتاردىڭ بىرقاتار نۇسقاۋلارىن ورىنداعاننان كەيىن, ەر ادام قىلمىسكەرلەر وعان جانە ونىڭ جۇبايىنا نەسيە العانىن ءبىلدى.
پوليتسيا ءبولىمى وسى فاكتى بويىنشا سوتقا دەيىنگى تەرگەۋدى باستادى.
