اقمولا وبلىسىندا قاسكويلەر زيرات باسىندا ەكى ادامدى اتىپ كەتكەن

فوتو: pixabay.com

اقمولا وبلىسىنىڭ اقكول قالاسىندا ەكى ادامدى ءولتىرۋ ءىسى بويىنشا قىلمىستىق ءىس تىركەلدى. بۇل تۋرالى Zakon.kz سايتىنا سىلتەمە جاساعان KAZ.NUR.KZ حابارلايدى.

بۇل وقيعا تۋرالى قازا تاپقانداردىڭ ءبىرىنىڭ اناسىنىڭ بەينە حابارلاماسىنان بەلگىلى بولدى. ونىڭ ايتۋىنشا, قايعىلى وقيعا 11 تامىزدا بولعان. ونىڭ 26 جاستاعى ۇلى ەكى كۇدىكتىمەن قاقتىعىسقا تۇسكەن.

«مەنىڭ ۇلىم سپورتشى, قويان-قولتىق جەكپە-جەك جاتتىقتىرۋشىسى بولدى, ءوزى ءۇشىن تۇرا الدى. مۇنى بىلە وتىرىپ, ولار ونى دوسىمەن بىرگە قالادان الىپ كەتتى. زيراتقا اپارىپ, كولىكتەن شىققاننان كەيىن ك. ولاردى اتۋدى باستادى. مەنىڭ ۇلىمدى اتقاننان كەيىن, ونىڭ دوسىن اتىپ ءولتىردى. ءۇشىنشىسى قاشىپ, جاسىرىنىپ ۇلگەردى», — دەدى ايەل.

ونىڭ ۇلى اۋرۋحاناعا بارار جولدا كوز جۇمعان. ال دوسى كەلەسى كۇنى جانساقتاۋ بولىمىندە قايتىس بولدى. ەكەۋىنىڭ دە ارتىندا كىشكەنتاي بالالارى قالدى. ايماق پوليتسياسى بولعان وقيعاعا قاتىستى تۇسىنىكتەمە بەردى.

«پوليتسيا دەپارتامەنتى اقكول قالاسىنىڭ ەكى تۇرعىنىن ءولتىرۋ فاكتىسى بويىنشا قىلمىستىق ءىس قوزعالعانىن حابارلايدى. كۇدىكتى ادامدار ۋاقىتشا ۇستاۋ يزولياتورىنا ورنالاستىرىلدى, ۇستالدى جانە قاماۋعا الىندى. تەرگەۋ اياسىندا قاجەتتى تەرگەۋ ارەكەتتەرى جۇرگىزىلىپ, سوت ساراپتامالارى تاعايىندالدى», – دەپ حابارلادى اقمولا وبلىسى پوليتسيا دەپارتامەنتىنىڭ ءباسپاسوز قىزمەتى.