Aqmola oblysynda qurylysshy jumys ornynda esirtki satqan

Aqmola oblysynda “Qarasora-2025” jedel-aldyn alý is-sharasy aıasynda polıeıler 38 jastaǵy qurylysshyny esirtki zattaryn zańsyz satty degen kúdikpen ustady, dep habarlaıdy Qandastar.kz aqparat portaly.

Aqmola oblysy polıııa departamentiniń málimetinshe, qylmystyq polıııa qyzmetkerleri aýdandyq UQK bólimshesiniń, prokýratýranyń, arnaıy bólimsheniń jáne 5510 áskerı bóliminiń kınologynyń qatysýymen kúdiktini onyń jumys orny — qurylys nysanynda ustaý boıynsha arnaıy operaııa júrgizgen. Kúdikti tyıym salynǵan zat salynǵan oramany satyp alýshyǵa bergennen keıin ustaldy. Saraptama nátıjesi onyń keptirilgen marıhýana ekenin kórsetti.

Turǵylyqty jeri boıynsha júrgizilgen tintý barysynda kúdiktiniń úı-jaıyndaǵy sharýashylyq qurylystan birneshe orama tabylyp, tárkilendi. Keptirilgen marıhýananyń jalpy salmaǵy 258,1 grammdy qurady. Barlyq zattar saraptamaǵa jiberildi jáne olardyń esirtkilik qasıeti rastaldy.

Er adam óz kinásin moıyndady. Oǵan QR QK 297-baby 2-bóligi (“Esirtki zattardy, psıhotroptyq zattardy ótkizý maqsatynda zańsyz ıemdený, saqtaý, tasymaldaý, jóneltý nemese ótkizý”) boıynsha qylmystyq is qozǵaldy. Qazirgi ýaqytta kúdikti ýaqytsha ustaý ızolıatoryna qamaldy.