اقمولا وبلىسىندا مەملەكەتتىك تىلگە قۇرمەت ارتتى

اقمولا وبلىسىندا وزگە ەتنوس اراسىندا, مەملەكەتتىك ءتىلدى مەڭگەرگەندەر كوبەيدى. اسىرەسە جاستاردىڭ ىنتاسى زور.

كەيبىرى قازاق ءتىلىن ۇيرەنىپ قانا قويماي, باسقارلارعا ۇيرەتۋگە دە نيەتتى. يانا كريۋچەك كوكشەتاۋداعى قازاق پەداگوگيكالىق كوللەدجىندە وقيدى. بولاشاق قازاق ءتىلى مەن ادەبيەت ءپانىنىڭ مۇعالىمى. بيىل وقۋىن تامامداعاننان كەيىن,   مەملەكەتتىك ءتىلدى ۇيرەتەتىن كۋرس اشقىسى كەلەدى.

يانا كريۋچەك, ستۋدەنت:  – قازاقستاندا تۇرعاندىقتان قازاق ءتىلىن ءبىلۋ ول پارىز دەپ سانايمىن. سەبەبى مەنىڭ انا ءتىلىم ول قازاق ءتىلى دەپ سانايمىن. ول مەنىڭ ىشىمە ءسىڭىپ كەتكەن ءتىل. سول سەبەپتى قازاق ءتىلىن قۇرمەتتەيمىن, ايالايمىن. وقۋىمدى بىتىرگەننەن كەيىن شاكىرتتەرىمە قازاق ءتىلىن بەرىپ, دامىتقىم كەلەدى.  مۋزىكا ءپانىنىڭ مۇعالىمى كسەنيا رەريحتە مەملەكەتتىك ءتىلدى ۇيرەنۋگە ىنتالى.

سوزدىك قورىن بايىتىپ, ءتىلىن جاتتىقتىرۋ ءۇشىن قازاقشا كىتاپتى كوپ وقيدى. نەمىس قىزى قازاق اندەرىن دە ءسۇيىپ تىڭدايدى. الداعى ۋاقىتتا ۇلكەن ساحنالاردا كورىنگىسى كەلەدى. كسەنيا رەريح, مۇعالىم: – قازاق تىلىندەگى كىتاپتاردى كوپ وقىپ, ءتىلدىڭ قىر-سىرىن ۇيرەنۋشە بارىنشا تالپىنىپ كەلەمىن. ءاربىر قازاقستاندىق ازامات قازاق ءتىلىن جاقسى ءبىلۋ كەرەك دەپ ەسەپتەيمىن. سوندىقتان مەن ءالى دە مەملەكەتتىك ءتىلدى جوعارى دەڭگەيدە مەڭگەرگىم كەلەدى.

بۇلاندىلىق پوليتسەي گەننادي ۆەزدەتسكي دە قازاق ءتىلىن جەتىك بىلەدى. ماقالداتىپ سويلەيتىن جىگىتتىڭ مەملەكەتتىك تىلگە دەگەن قۇرمەتى زور.  ءبىر قىزىعى, قوس تىلدە ءبىلىم بەرەتىن مەكتەپتە قازاق ءتىلىن گەنناديدىڭ ءوزى تاڭداپى  گەننادي ۆەزدەتسكي, بۇلاندى اۋداندىق پوليتسيا ءبولىمىنىڭ جەدەل ۋاكىلى:  – مەن بالا كەزىمنەن اكەم مەن انام قايتىپ, بالالار ۇيىندە ءوسىپ ەدىم. سول جەردە مەن ءوزىم قازاق ءتىلىن تاڭداپ, قازاق تىلىندە وقىدىم. قازاق ءتىلى وتە باي, ادەمى ءتىل. سول ءۇشىن وقۋىمدى ءبىتىرىپ, پوليتسياعا جۇمىسقا كىردىم.  قازاق ءتىلىن بىلگەسىن بۇل سالادا جۇمىس ىستەۋ وڭاي بولىپ جاتىر.  جالپى ايماقتا قازاقتىڭ ءتىلى مەن ءداستۇرىن مەڭگەرگەن وزگە ۇلت وكىلدەرى بارشىلىق. جىل ساناپ  قاتارى كوبەيىپ كەلەدى. سوندىقتان مەملەكەتتىك ءتىلدى ۇيرەتەتىن وقۋ ورتالىقتارىنا سۇرانىس ارتقان. قازىر وبلىس بويىنشا  21 ورتالىق جۇمىس ىستەيدى.