Aqmolada 3 adam qaza boldy: Poıyz ben kólik soǵysty

Foto: skrın

Aqmola oblysynda poıyz ben jeńil kólik soqtyǵysyp, úsh adam qaza tapty. Bul týraly qandastar.kz aqparat agenttigi KTKtelearnasyna silteme jasap habarlaıdy.

Jol apaty saldarynan jeńil kóliktiń 25 jastaǵy júrgizýshisi oqıǵa ornynda kóz jumǵan, eki jolaýshy aýrýhanada kóz jumdy.

Stepnogor-Zovodskoı jolyndaǵy temir jol ótkelinde Audi avtokóligi bos ısternalarmen kele jatqan lokomotıvke soǵylǵan. Qaza tapqan úsh adamnan bólek, taǵy úsh jolaýshy túrli jaraqatpen Stepnogor qalasyndaǵy aýrýhanaǵa jetkizilipti. Qaıǵyly oqıǵa boıynsha tergeý júrip jatyr.

“Oqıǵa ornynda avtokólik júrgizýshisi qaıtys boldy, eki jolaýshy aýrýhanada kóz jumdy, taǵy úsh jolaýshy túrli jaraqatpen Stepnogorsk aýrýhanasyna jetkizildi. Tergeý sheńberinde apattyń mán-jaıy men sebepteri belgilenip, tergeý júrgizilip jatyr”, – deıdi Aqmola oblystyq polıııa departamenti aqparat-saıasat bóliminiń jetekshi mamany Anar Núkenova.

Eske salsaq, buǵan deıin Aqtóbe oblysyndaǵy ken-baıytý kombınatynda júk kóligi aýdarylyp, eki jumysshy qaza tapqany týraly jazǵan edik.