Aqmolada týrızm salasynda bıznesti qoldaý boıynsha membaǵdarlama sátti júzege asyrylýda

О́ńirdegi týrızm salasynda qyzmet kórsetetin kásipkerlik sýbektileri shyǵyndarynyń bir bóligin memlekettik sýbsıdııa esebinen jabýda. Sońǵy eki jyl ishinde osy baǵyttaǵy 17 kásipker jalpy somasy 119,7 mıllıon teńge quraıtyn memlekettik qoldaý sharalaryna ıe boldy.

Eki jyl ishinde jalpy somasy 82,5 mln teńgege «Volkswagen Crafter» shaǵyn avtobýsy jáne «Yutong» avtobýsyn satyp alsaq, onyń 25 paıyzy sýbsıdııa esebinen óteldi. Bul biz úshin úlken qoldaý», — deıdi jeke kásipker Kógershin Beksultanova.

Sonymen birge, «Forest Camp» oteli jáne «Discovery Borovoe» demalys ortalyǵy da memleket tarapynan qoldaý taýyp otyr.

Býrabaı aýdanyndaǵy «Orlenok» JShS-niń basshylyǵy «Discovery Borovoe» saýyqtyrý jáne oıyn-saýyq ortalyǵynda hokkeı korty men basseıni bar jazǵy terrassany salý kezinde shyǵyndardyń bir bóligin óteýge ótinish bergen.

«Nysannyń qurylysyna 165,4 mln teńge qarjy jumsasaq, onyń 16,5 mln teńgeden astamy sýbsıdııa retinde óteldi», — deıdi «Orlenok» JShS-gi dırektorynyń orynbasary, Aqmola oblystyq máslıhatynyń depýtaty Pavel Bezverbnyı.

Onyń aıtýynsha, týrızm — bul óńir ekonomıkasynyń qarqyndy damyp kele jatqan mańyzdy bir salasy. Щýche-Býrabaı kýrorty elimizdegi týrıstik áleýeti zor aımaq sanalady. Qatarkól kentindegi «Discovery Borovoe» saýyqtyrý jáne oıyn-saýyq ortalyǵynda otbasylyq demalys úshin barlyq jaǵdaı jasalǵan. Osylaısha, memlekettik qoldaýdyń arqasynda ortalyq týrıster men demalýshylarǵa kórsetiletin qyzmet túrlerin aıtarlyqtaı keńeıtýde. Oǵan qosa, ortalyqtyń jumysyn 150-ge jýyq adam qamtamasyz etedi, olardyń kópshiligi basqa óńirlerden kelgender.