Aqmolalyq sheneýnikter sý tasqyny kezinde bólingen qarjyny jymqyrǵan

Foto: ashyq derekkóz

Aqmola oblysynda 300 mıllıon teńgeden astam qarajatty jymqyrdy degen kúdikpen birneshe sheneýnik pen kásipker qamaýǵa alyndy. Bul qarajat sý tasqyny qaýpi bar aımaq turǵyndaryna arnalǵan úılerdi salýǵa bólingen, dep jazdy qandastar.kz

Aqmola oblysy prokýratýrasynyń málimetinshe, Atbasar aýdany ákimdiginiń qurylys bólimi basshylaryna jáne «Prestıj Stroı 7» jáne «Fýndamental» JShS qurylys kompanııalarynyń jetekshilerine qatysty tergeý aıaqtaldy. Tergeý barysynda iri kólemdegi urlyq faktisi anyqtaldy.

«Bul qarajat 2021 jyly úkimet rezervinen Atbasar aýdanyndaǵy sý basý qaýpi bar aımaqtan 200 otbasyn kóshirý úshin eki 100 páterli úı salýǵa bólingen», — dep habarlady prokýratýra.

Kúdiktilerge «asa iri kólemde múlikti ıemdený nemese ysyrap etý» baby boıynsha aıyp taǵylyp otyr. Olar 12 jylǵa deıin bas bostandyǵynan aıyrylýy jáne múlki tárkilenýi múmkin.