Aqnár Gúlstannyń ólimine qatysty qylmystyq is qozǵaldy

Almaty qalalyq polıııa departamentiniń tergeý basqarmasy ótken jyldyń shilde aıynda Almaty turǵynynyń ólimi deregi boıynsha qylmystyq is qozǵady, dep habarlady  qandastar.kz    turkystan.kz.

«Qazirgi ýaqytta bolǵan oqıǵanyń tolyq kórinisin anyqtaý úshin jan-jaqty tergeý júrip jatyr.

Tergeý sheńberinde materıaldar jınaqtalyp, taldanýda, kýálardan jaýap alynýda, beınejazbalar zerdelenýde, zańda kózdelgen basqa da proessýaldyq áreketter júzege asyrylýda.

Tergeý barysy Departament basshylyǵynyń erekshe baqylaýynda.

Biz marqumnyń týystarynyń bastan keshken qaıǵysyna shyn júrekten ortaqtasamyz. Sonymen qatar, sońǵy proessýaldyq sheshim barlyq taǵaıyndalǵan saraptamalardyń nátıjelerin alǵannan keıin jáne qajetti tergeý áreketterin júrgizgennen keıin qabyldanatyn bolady»,  – delingen habarlamada.

Eske salaıyq, 2024 jylǵy 20 shildede Almatyda 22 jastaǵy stýdent Aqnár Gúlstan turǵyn úı kesheniniń jetinshi qabatynan qulap, qaıtys bolǵan. Tergeý bul jaǵdaıdy sýııd retinde tirkegen. Alaıda marqumnyń týystary onyń óler aldynda qatygezdikpen azaptalyp, kórshileri terezeden laqtyryp jibergenin aıtty.