Aqpannan bastap avtogaz qymbattamaq

Foto: ashyq derekkóz

Energetıka mınıstrligi 1 aqpannan bastap suıytylǵan munaı gazynyń baǵasyn qymbattatýdy josparlap otyr, dep jazdy qandastar.kz naryk.kz-ke silteme jasap.

Sebebi suıytylǵan munaı gazyn óndirýshilerdiń shyǵyny kóbeıgen. Máselen, suıytylǵan gaz óndirisiniń qazirgi quny tonnasyna 65-ten 75 myń teńgege deıin, al óndirýshi zaýyttar úshin shekti kóterme baǵa tonnasyna 45 158 teńge deńgeıinde belgilengen.

Osyǵan baılanysty, óndirýshi zaýyttarda jyl saıynǵy josparly jóndeýlerdi jańǵyrtý jáne júrgizý úshin qarajat tapshylyǵy bar.

Sonymen qatar mınıstrlik janarmaı baǵasyn da qoıa berýdi usynyp otyr.

Suıytylǵan munaı gazyn tutyný 2022 jylǵy 1,8 mln tonnadan 2024 jyly 2,4 mln tonnaǵa deıingi ósken.

«Qazaqstanda suıytylǵan munaı gazynyń baǵasy TMD elderi arasynda eń tómenderdiń biri.

Buıryq jobasyna sáıkes suıytylǵan gazdyń shekti kóterme baǵasy tonnasyna 45 158 teńgeden 51 932 teńgege deıin kóteriledi.

Bul rette shekti bólshek saýda baǵasy óńirlerge baılanysty 6 teńgeden 21 teńgege deıin ulǵaıady.

Bul shara ishki naryqty tutynýdy tolyq qamtamasyz etýge múmkindik beredi jáne gaz óńdeýge ınvestıııalar tartý úshin jaǵdaı jasaıdy», — deıdi mınıstrlik.

Tómende óńirlerge baılanysty baǵanyń neshe teńgeden neshe teńgege deıin qymbattaıtyny kórsetilgen.