AQSh-ta 10 myńnan asa memlekettik qyzmetker jumystan shyǵaryldy

Foto: istockphoto

Amerıkada memlekettik qyzmetkerler keıingi bir aptada jasaǵan jumysy týraly esep berýge mindetteldi. Bul talapty oryndamaǵandar qyzmetinen bosatylady, – dep habarlaıdy qandastar.kz 24kz-ke silteme jasap. 

AQSh-tyń memlekettik basqarý tıimdiligi departamentiniń basshysy Ilon Mask osyndaı eskertý jasady.

Bul bólimshe bir aı buryn qurylǵan. Sol ýaqyt ishinde 10 myńnan asa adam jumystan shyǵaryldy. Kóbi synaq merziminde júrgen qyzmetkerler.

Taıaýda departament Pentagonda tekserý júrgizgen. Endi sonyń qorytyndysy boıynsha, osy aptada 5 jarym myńdaı adam qyzmetinen bosatylady da, jańa adamdardy jumysqa qabyldaýǵa ýaqytsha tyıym salynady.