«Aqsha tappasań qasyńdy qyryp, múshelerińdi kesip tastaımyz»: Qyzylordada synyptastary quldyqta ustaǵan qyz bar shyndyqty aıtty

Foto: Tengrınıýs

Qyzylordada synyptastary birneshe aı boıy quldyqta ustap, seksýaldyq qyzmet kórsetýge májbúr etken 16 jastaǵy qyz bar shyndyǵyn baıandady, – dep habarlaıdy qandastar.kz turkystan.kz-ke silteme jasap.

Qyzdyń jazǵanyn Dına Tańsári feısbýk jelisindegi paraqshasynda jarııalady. Onda jasóspirim ózin qorlaǵandardyń maılyqty jaǵyp, ish kıimine salyp sóndirýdi talap etkenin, basseınge tunshyqtyrǵanyn, óltiremiz dep pyshaqpen qorqytqanyn, taǵy basqa neshe túrli sumdyqtaryn aıtqan. Jábirlenýshiniń hatyn tómende tolyqtaı berip otyrmyz.

«2022 jyly 10-synyptan bastap men klastas qyz N-men dostastym. Ol meniń úıime kelip, birneshe ret qonǵan. Meniń anamdy «mamochka» deıtin. Men de onyń úıinde birneshe ret túnedim.

2023 jyldyń jeltoqsanynda, Jańa jylǵa bir apta qalǵanda N jáne onyń nemere ápkesi J-men birshe «Alen» klýbynda boldyq. Ol ishimdik iship, bizge de usyndy. Biz kelistik. Biz ishken kezde ol vıdeo kameraǵa túsirip aldy. 7 qańtarǵa deıin ol menen suramaı telefonymdy lombardqa ótkizip jiberdi.

7 qańtarda «Djoo Bar» pabynda telefonda meniń jalańash sýretim bar ekenin aıtty, biraq kórsetpedi. Sosyn kórsetti. Men sýretti óshirdim, biraq sýret telefonnyń muraǵatynda saqtalǵan eken. 4 aqpanǵa bir apta qalǵanda J menen suramaı, meniń telefonym arqyly meni Kizdar NET saıtyna tirkep, anketa toltyrdy. Men ashýlana bastadym, J men N meniń jalańaщ sýretterimdi ata-anam men týǵan-týystaryma kórsetemiz dedi. «Aqsha tabatyn bolamyz, biraq jumys isteıtin sen bolasyń!»-dedi.

Men kúıindim, ne isterimdi bilmedim. Olar meni balaǵattap, qoqan-loqqy kórsetti. Men sharasyz kúıge tústim. Olardyń aıtqanyna baǵyndym. Anketa birden jarııalanǵan joq, moderaııadan ótip jatty-aý deımin. J men N maǵan klýbtan klıent izdeýdi talap etti. Men olardyń ne talap etip turǵanyn túsinbedim. Sonda olar: «Ashyq bıleıtin bolasyń, sonda jigitter saǵan jaqyndaıdy, sonda páterge barýdy usynasyń»,-dedi.

Birinshi klıent E esimdi jigit boldy. Men qatty qoryqtym, jaqyn qatynasqa túskim kelmedi. Biraq ol meni kúshpen aldy. Bunyń bári 4 aqpanda boldy. Osy kezde anketa moderaııadan ótip, taǵy bir «klıent» paıda boldy. Men bul ispen aınalysqym kelmedi. Biraq jaqyndaryma sýretimdi kórsetemiz degennen bólek, uryp-soǵamyz dep qorqytty. Aqpan aıynyń sońynda áıeldik organdarymda problema bastaldy. Medıınalyq kómekke júgingim keldi. Biraq N men J tyıym saldy. Qorqynysh, sharasyzdyq meniń boıymdy bılep aldy.

Aqpannan bastap men N óziniń anasymen turatyn úıde jıi boldym. Anasy ylǵı vahtada bolatyn. Men únemi N men J-nyń baqylaýynda boldym. Olardyń buıyrýymen, ata-anama daıashy bolyp jumysqa ornalastym dep aıtýǵa májbúr boldym. Túnde uıqym qanbaıtyndyqtan, sabaq ústinde uıyqtap qalatyn boldym. Muǵalim ashýlana bastaǵanda N: «Kettik!»-deıtin. Biz birge sabaqtan ketip qalatynbyz. Qorlaý, qoqan-loqqy kórsetý kúndelikti iske aınaldy.

11 naýryzda D degen klıent meni «Mef» tutynýǵa májbúrledi. Men bas tarttym. Ol kúshten ıisketti. Odan keıingi oqıǵalar esimde joq. 1,5 táýlik uıyqtadym. Bir aptadan keıin ol qaıtadan qońyraý soǵyp, taǵy tutynýdy usyndy. Men N-niń páterine kettim. Onda N men J meniń eskirtkige masaıǵan sátimdi vıdeoǵa túsirgen. Sol vıdeony ınternette taratamyz, jaqyndaryńa kórsetemin, polıııaǵa ústińnen aryz jazamyz dep bopsalaı bastady.

Naýryz aıynan bastap N men J meni ura bastady. Páterdi durys jınamadyń, ydys-aıaqty jýmadyń dep synyqqa syltaý izdep, ura beretin. Sebepsiz de uratyn. Kompıýterdegi oıynnan utylyp qalsa da urdy. Esinen tanǵansha qylqyndyrdy. Qyzyq úshin basseınge batyrdy. Ábden sharshaǵansha otyǵyzyp-turǵyzatyn. Meniń tanystarym men týystaryma meniń telefonymnan, meniń atymnan, meniń abyroıyma nuqsan keltiretin habarlamalar jiberetin. Meni qolmen uryp, aıaqpen teýip, basymnan tepkileıtin.

2024 jyldyń sáýirinde D esimdi jigit (25 jasta) meniń nómirimdi G esimdi dosyna berdi. G meniń nemen aınalysyp júrgenimdi meniń ata-anama aıtamyn dep, meni bopsalaı bastady. 30 sáýirde D-nyń ózi «polıııa qyzmetkeri ekenin, eger men onyń qonaqtaryna qyzmet kórsetetin bolsam, meni esepke qoımaıtynyn» aıtty. Ol alaıaq bolyp shyqty.

Sáýirde D esimdi jigit (meniń klastasym) meniń oqıǵamdy bilip, «Sen jaqsy aqsha tabasyń ǵoı» dep, menen kúninen 5000 teńge talap ete bastady. Meniń telefonymdy alyp, jazbalardy qarady. Qoryqqanymnan birneshe ret suraǵanyn tóleýge májbúr boldym.

Mamyrda N men J Shymkentke baryp kelmek boldy. Menen shuǵyl 300 myń teńge taýyp berýdi talap etip, qorqytty. Men mundaı somany jyldam taba almaǵandyqtan ata-anamnan suraýdy talap etti. «Jumysta daıashy qyzdyń telefonyn syndyryp aldym» dep aıt dedi. Sol úshin ákemnen aqsha suradym.

29 mamyrda N-niń týǵan kúni boldy. Sol kúnnen bir apta buryn olar maǵan 500 myń teńge tabýdy buıyrdy. Ákem syılaǵan jańa Apple iPhone 15 Pro Max telefonymdy lombardqa ótkizýdi usyndy. Olardan qatty qoryqqandyqtan 27 mamyrda telefonymdy lombardqa 380 myń teńgege ótkizip, aqshany berdim.

Maýsym aıynyń basynda N-niń anasy vahtadan keletindikten, N men J maǵan jaldamaly páterge aqsha tabýdy buıyrdy. Men ol aqshany taptym, páter jaldadyq. Bizge D (synyptasym) men onyń týysqany A qosyldy. Olar onda «bizdi esepke qoıdy!» dep meni qorlap, uryp-soqty.

Zajıshalkamen aıaǵymdy kúıdirdi, maılyqty tutatym, ish kıimimniń (trýsı) ishine salyp, sóndirýdi buıyrdy. Polıetılen paketti tutatyp, janǵan paketti ishime tamshylatty, kúıik izderi denemde qalyp qoıǵan. Túnde ǵana emes, kúndiz de «jumys isteýdi» talap etti. Beıtanys qyzdarǵa meni urǵyzdy. Ol qyzdardyń biri bokspen aınalysqan, soqqylary qatty boldy. Uıyqtatpady, tamaq bermedi. Ashtyqtan olardan qalǵan tamaqty jedim.

Maýsym aıynda N men J kezekti ret Shymkentke ketkende 3 jigit keldi. Birinshi A kelip, tamyzdyń ortasyna deıin 450 myń teńge taýyp berýimdi talap etti. «Meniń aǵam UQK qyzmetkeri. Eger aqshany tappasań aǵam ekeýmiz saǵan jáne seniń otbasyńa problema taýyp beremiz» dep, ólimmen qorqytty.

О́z ómirim men densaýlyǵym, otbasymnyń ómiri úshin qoryqqandyqtan men oǵan qolymda bar 55 myń teńgeni birden berdim. Bul sıtýaııa týraly N men J bildi. Sol úshin qatty ashýlanyp, Tasbóget kópiriniń astynda meni qatty soqqyǵa jyqty.

Urǵan kezde «anamdy ýlaıtyndaryn, sol úshin ákemdi jaýapkershilikke tartatynyn» nemese «ata-anama vıdeolardy kórsetip, jarııalap jibermes úshin 1-2 mln teńge talap etetinderin» aıtty. Men álgi jigitterge birneshe kún boıy tólemedim. Biraq olar meni taýyp, bank kartasynan aqsha sheship berýge májbúr etti. N men J bul týraly da bilip, olarǵa aqsha berýimdi toqtatýdy talap etip, taǵy da urdy.

Biraz ýaqyt ótkennen keıin sol jigitterdiń biri D meni kóshede toqtatyp, kúshtep A-nyń mashınasyna otyrǵyzdy. Týystarynyń jekemenshik úıine kelip, sharýashylyq qurylysyn kórsetip, «biz osy jerge seni tamaqsyz, telefonsyz qamap tastaımyz» dedi. D qolyna sym alyp, meni urýǵa daıyndaldy. Men qorqyp, aqsham joq ekenin, ákem múgedek ekenin aıtyp, olardyń aıaýshylyq sezimin týdyrýǵa tyrystym. Sonda A: «Ony óltireıik, aıaǵyna eritindi quıyp, Darııa ózenine aǵyzyp jibereıik»-dedi. Biraq D «ol bizdiń aýdannan ǵoı» dep qarsy shyqty. Sol kezde men shynymen de meni óltirýi múmkin ekenin sezdim.

Sosyn olar meni mashınaǵa otyrǵyzyp alyp ketti. Men óz ajalymdy kútip, saýsaǵymnan akrıldi tyrnaǵymdy julyp alyp, avtokólik oryndyǵynyń arasynan júk salǵyshqa laqtyrdym. Bolashaqta tym bolmasa tyrnaǵym tabylsyn degen oımen istedim. «Kúndizgi tórt pen bestiń arasynda olar meni 28 úıdiń qasynan túsirip: «Aqsha izde! Aqsha tappasań D seni kúnde uratyn bolady»-dedi.

Sodan keıie A men D meni únemi uryp-soqty. A pyshaqpen qorqytty. Keıin A ol pyshaqty N men D-ǵa berdi. Olar ony meni urǵan saıyn paıdalanyp, óltiremiz dep qorqytyp, aqsha talap etip, denemdi tildi.

5 tamyzda A esimdi erkek meni jaldamaly páterge shaqyryp, polıııada isteıtinin aıtyp, meni esepke qoımas úshin bir aptada 700 myń taýyp berýdi talap etti. Meni balaǵattap, qolymda bar qolma-qol aqshany alyp ketti.

J men N mende qandaı da bir aqsha bolǵanyn, onyń endi joq ekenin bilip qoıyp, ashýlanyp, 1,5 lıtrlik sý toly eki bótelkeni basyma laqtyrdy. Men jaltaryp úlgerdim. Biraq bótelkeler moınyma tıip, iz qalyp qoıdy.

Sosyn olar pyshaqtyń júzine depılıaııaǵa arnalǵan kremdi jaǵyp, kúshtep, qasyma tıgizip, tańǵa deıin 250 myń tabýdy buıyrdy. «Eger aqshany tappasań, qasyńdy, shashyńdy qyryp, jynys múshelerińdi kesip tastaımyz»-dedi. Meniń áıeldik organdarym qatty aýyryp júrgenin, endi «jumys isteı almaıtynymdy» túsinip, jumys isteýge ózim sııaqty kónbis qyzdardy tabýdy talap etti. Tańerteń men sharasyzdyqtan B esimdi tanys jigitke habarlasyp, oqıǵamdy aıtyp berdim. Ol ákeme qońyraý soǵyp, bárimiz kezdestik. Bárimiz birge ýchaskelik polıııaǵa bardyq. Ol ornynda bolmady. Sosyn úıge keldik, men uıyqtap alyp, bárin anama aıtyp berdim. Bul keshki 20:00 kezi edi. Anam birden polıııaǵa aryz jazdy».