«اقشاسى جوقتىڭ ءومىرى — قيىن»: تانىمال تەلەجۇرگىزۋشى قاتەرلى ىسىككە شالدىققانداردىڭ ماسەلەسىن كوتەردى

فوتو: اشىق دەرەككوز

دينا تولەپبەرگەن اناسىنىڭ دەنساۋلىعىن تەكسەرتۋ كەزىندە كۇتپەگەن قولايسىزدىقتارعا تاپ بولعان, دەپ جازدى  qandastar.kz   turkystan.kz-كە سىلتەمە جاساپ.

«تاعدىردىڭ با, الدە مىنا جۇيەنىڭ بە… بىلمەيمىن. بىراق ومىردە اقشاسى جوقتىڭ ءومىرى تىم اۋىر ەكەنىن سەزىندىم. بۇگىن باسىمنان وتكەن وقيعانى جازىپ وتىرمىن. انام — دارىگەر. 30 جىل بويى جەدەل جاردەمنىڭ جانى بولدى, ءومىر مەن ءولىم ورتاسىندا سان رەت ادامعا قول سوزدى. ەندى, تاعدىر ونى سىناققا الىپ كەلگەندەي, قاسىرەتتىڭ الدىندا شاراسىز وتىر. ءبىر اپتا بۇرىن دارىگەرلەر اناما جامان اۋرۋعا كۇدىك بار دەدى. ونكولوگيالىق ورتالىققا جولدادى. بارساق, كەزەگىمىز تەك ءبىر ايدان كەيىن دەدى. اۋرۋدىڭ الدىندا كۇندەر ەمەس, ءتىپتى ءاربىر سەكۋندتىڭ ماڭىزى باردا, بىزگە ءبىر اي كۇتۋ مۇمكىن بە? جوق, ءبىز شىداماي, قولدان كەلگەننىڭ ءبارىن جاساپ, دارىگەرگە كەزەكسىز كىردىك. بىراق قابىلداپ تۇرعان دارىگەر تەك قاعازدارعا قاراپ, “ونكولوگيا راستالماعان, گيستولوگيانى ءبىز جاسامايمىز” دەپ ەمحاناعا قايتاردى. ەمحانا ەندى قايدا جىبەرەرىن بىلمەيدى. اينالدىرعان ەكى اۋرۋحاناعا كەزەك-كەزەك ەسىك قاقتىق. بسنپ /گتسرچ. ەكەۋى دە وتا جاساۋعا اقىلىمىز دا, تەحنيكامىز دا جەتپەيدى دەيدى. انامنىڭ كوزى جاسقا تولدى, بىراق ول دارىگەر عوي, ءبارىن تۇسىنەدى, ءبارىن سەزەدى. الايدا سول تۇسىنىك پەن ءبىلىمى ونىڭ جان جاراسىن جەڭىلدەتپەدى. قاراپايىم ادامعا جۇيە دەگەن — قايراعى جەتپەيتىن تاس قامال ەكەن عوي» — دەپ جازدى

اقىرىندا اۆتور جەكەمەنشىك ەمحاناعا بارعانىن ايتقان.

«بىزدە مۇمكىندىك بار, ال ونداي مۇمكىندىگى جوقتار قايدا بارادى? ولار ءۇشىن دە جاۋاپ بار ما? ۇكىمەت, دەنساۋلىق ساقتاۋ مينيسترلىگى, دەپۋتاتتار! قاتەرلى دەرتكە قارسى تۇرۋ ءۇشىن وزگەرىستەر قاجەت! قاراپايىم حالىقتىڭ شىرقىن بۇزباي, جۇيەنى ادىلەتتى ەتىڭىزدەر. اۋىرعان جاننىڭ تاعدىرىن كەشەۋىلدەتپەۋ ءۇشىن پروتوكولداردى وزگەرتىڭىزدەرشى. ءبىزدى اداستىرماڭىزدارشى — دەدى