«Aqshasy joqtyń ómiri — qıyn»: Tanymal telejúrgizýshi qaterli isikke shaldyqqandardyń máselesin kóterdi

Foto: ashyq derekkóz

Dına Tólepbergen anasynyń densaýlyǵyn teksertý kezinde kútpegen qolaısyzdyqtarǵa tap bolǵan, dep jazdy  qandastar.kz   turkystan.kz-ke silteme jasap.

«Taǵdyrdyń ba, álde myna júıeniń be… bilmeımin. Biraq ómirde aqshasy joqtyń ómiri tym aýyr ekenin sezindim. Búgin basymnan ótken oqıǵany jazyp otyrmyn. Anam — dáriger. 30 jyl boıy jedel járdemniń jany boldy, ómir men ólim ortasynda san ret adamǵa qol sozdy. Endi, taǵdyr ony synaqqa alyp kelgendeı, qasirettiń aldynda sharasyz otyr. Bir apta buryn dárigerler anama jaman aýrýǵa kúdik bar dedi. Onkologııalyq ortalyqqa joldady. Barsaq, kezegimiz tek bir aıdan keıin dedi. Aýrýdyń aldynda kúnder emes, tipti árbir sekýndtyń mańyzy barda, bizge bir aı kútý múmkin be? Joq, biz shydamaı, qoldan kelgenniń bárin jasap, dárigerge kezeksiz kirdik. Biraq qabyldap turǵan dáriger tek qaǵazdarǵa qarap, “onkologııa rastalmaǵan, gıstologııany biz jasamaımyz” dep emhanaǵa qaıtardy. Emhana endi qaıda jibererin bilmeıdi. Aınaldyrǵan eki aýrýhanaǵa kezek-kezek esik qaqtyq. BSNP /GRCh. Ekeýi de ota jasaýǵa aqylymyz da, tehnıkamyz da jetpeıdi deıdi. Anamnyń kózi jasqa toldy, biraq ol dáriger ǵoı, bárin túsinedi, bárin sezedi. Alaıda sol túsinik pen bilimi onyń jan jarasyn jeńildetpedi. Qarapaıym adamǵa júıe degen — qaıraǵy jetpeıtin tas qamal eken ǵoı» — dep jazdy

Aqyrynda avtor jekemenshik emhanaǵa barǵanyn aıtqan.

«Bizde múmkindik bar, al ondaı múmkindigi joqtar qaıda barady? Olar úshin de jaýap bar ma? Úkimet, densaýlyq saqtaý mınıstrligi, depýtattar! Qaterli dertke qarsy turý úshin ózgerister qajet! Qarapaıym halyqtyń shyrqyn buzbaı, júıeni ádiletti etińizder. Aýyrǵan jannyń taǵdyryn kesheýildetpeý úshin protokoldardy ózgertińizdershi. Bizdi adastyrmańyzdarshy — dedi