«اقتالۋعا مىندەتتى ەمەسپىن»: بايان الاگوزوۆانىڭ كەلىنى العان اتاعى تۋرالى ايتتى

تانىمال ءانشى جارقىناي حانايىم جاقىندا عانا «قازاقستان رەسپۋبليكاسىنىڭ ەڭبەك سىڭىرگەن قايراتكەرى» اتاعىن العان بولاتىن. الايدا بۇل قوعامدا ۇلكەن رەزونانس تۋدىردى. وسىعان بايلانىستى ءانشى ءوزىنىڭ پاراقشاسىندا پىكىرىمەن ءبولىستى, دەپ حابارلايدى qandastar.kz Skifnews.kz-كە سىلتەمە جاساپ.

ايتا كەتەيىك, مەيرامبەك بەسپاەۆ, داستان ورازبەكوۆ سىندى انشىلەر بۇل ماراپاتتى ءالى كۇنگە دەيىن الماعان. انشى امىرە دە رەنىشىن جاسىرمادى. جەلى قولدانۋشىلارى دا جارقىنايدىڭ بۇل ماراپاتقا ءالى لايىق ەمەس ەكەنىن جازعان ەدى. بىراق ونەر يەسىنىڭ ءوزى بۇل داۋعا نۇكتە قويعىسى كەلەدى.

«كۇشتى كوڭىل-كۇيىمدى قولدانا وتىرا سوڭعى وقيعالارعا بايلانىستى مەنى قولداعان وقىرماندارىما العىسىمدى بىلدىرگىم كەلەدى. اڭگىمە ايتقان سايىن كوبەيە بەرەدى, ءسوز قۋالاعان ءسوزدىڭ تۇبىنە جەتپەيدى. باق شابا ما, باپ شابا ما دەيدى. وسى جولى مەنىڭ باعىم شاپقانى ءۇشىن مەن بىرەۋدىڭ الدىندا اقتالۋىم ءتيىستى ەمەس دەپ ويلايمىن. سەبەبى, بارلىق جەر بەتىندەگى وقيعا قۇدايدىڭ قالاۋىمەن بولادى. جاپىراق تا ونىڭ قالاۋىنسىز جەرگە تۇسپەيدى. ول ءۇشىن مەن اقتالۋىم كەرەك دەپ ويلامايمىن. تەك جاقسى نارسەلەرگە كوڭىل بولۋگە نيەتتىمىن. سىزدەرگە دە سونى تىلەيمىن», — دەدى ول.