«اقتاۋ تەڭىز پورتى» جۇمىس ىستەۋ مەرزىمى ۇزاردى

فوتو: اشىق دەرەككوز

ۇكىمەت «اقتاۋ تەڭىز پورتىنىڭ» جۇمىس ىستەۋ مەرزىمىن 27 جىلعا ۇزارتتى, دەپ جازادى qandastar.kz.

دەمەك ارنايى ەكونوميكالىق ايماق 2052 جىلعا دەيىن جۇمىس ىستەيدى. سول ارالىقتا ايماققا 590 ملرد تەڭگە ينۆەستيتسيا تارتىلۋى ءتيىس. ونىڭ 275 ملرد تەڭگەسى شەتەلدەن, 315 ملرد تەڭگەسى ىشتەن بولۋى كەرەك.

تاۋار ءوندىرۋ كولەمى 640 ملرد تەڭگەگە ارتۋى ءتيىس. قازىر 450 ملرد تەڭگەگە تەڭ.

سونىمەن قاتار, كورسەتىلگەن مەرزىمدە كاسىپورىندار سانى 50-دەن 80-گە دەيىن, ال جۇمىسشىلار سانى 2300-دەن 4300 ادامعا دەيىن ارتۋى قاجەت. قازاقستاندىقتاردى قامتۋ ۇلەسى 50%-دان 78%-عا دەيىن كوبەيتۋ جوسپارلانۋدا.

بۇعان دەيىن ۆيتسە-پرەمەر, ۇلتتىق ەكونوميكا ءمينيسترى نۇرلان بايبازاروۆ ارنايى ەكونوميكالىق ايماقتارعا كوپ قارجى قۇيعان ينۆەستورلار جەر ساتىپ الۋ قۇقىعىنا يە بولاتىنىن ايتقان.