جاڭالىقتار
اقتاۋ تۇرعىنى وليمپيادا ويىندارىن كورۋ ءۇشىن پاريجگە ۆەلوسيپەدپەن بارعان
فوتو: ۆيدەودان الىنعان كادر
اقتاۋ قالاسىنىڭ تۇرعىنى رابىن بوراشەۆ 2024 جىلعى جازعى وليمپيادا ويىندارىن تاماشالاۋ ءۇشىن فرانتسيا استاناسىنا ۆەلوسيپەدپەن بارعان, دەپ حابارلايدى Egemen.kz.
5 مىڭنان استام شاقىرىمدى ەكى ايدا ءجۇرىپ وتكەن اقتاۋلىق رابىن بوراشەۆتى قر تۋريزم جانە سپورت ءمينيسترى ەرمەك مارجىقپاەۆ كۇتىپ العان.
«ەكى اي بۇرىن دايىندالدىم. ۆەلوسيپەدىمدى جاڭارتتىم, ءبارىن جوندەدىم. جولعا شىقتىم, جولدا ۆيزاعا بايلانىستى قيىندىقتار تۋىندادى. بىراق سونىڭ وزىندە پاريجگە جەتۋ ءۇشىن 8 ەلدى باسىپ وتتىك», دەدى رابىن بوراشەۆ.
وسىنشا شاقىرىمدى ارتقا تاستاپ كەلگەن رابىن بوراشەۆ وتانداستارىنا قولداۋ كورسەتكىسى كەلگەن. انىقتالعانداي, ول 4 جىل بويى ۆەلوسيپەدپەن قازاقستان وڭىرلەرىنە ساياحاتتاپ, ءوزىن جاتتىقتىراعان.
