Jańalyqtar
Aqtaýda qoqys kóligi jarylyp ketti
Foto: ashyq derekkóz
Aqtaýda qoqys kóligi jarylyp ketti, – dep habarlaıdy Tengrinews.kz tilshisi.
Bul týraly Mańǵystaý oblysy Tótenshe jaǵdaılar departamentiniń baspasóz qyzmeti málimdedi.
Qutqarýshylar málimetinshe, búgin, 7 qyrkúıekte kúndiz saǵat 12:01-de Munaıly aýdanyndaǵy «Áıgerim» meıramhanasynyń mańyndaǵy jolda qoqys tasıtyn kólikten órt shyqqany týraly aqparat kelip túsken.
О́rt sóndirýshiler oqıǵa ornyna 12:09-da jetti.
О́rt sóndirýshiler kelgenshe 120 lıtrlik gaz ballony jarylǵan. Saldarynan jarylys tolqynynan áınek synyp, 20 metr jerde ornalasqan «Aq jol» azyq-túlik dúkeniniń bannerine zaqym kelgen.
Qurbandar men zardap shekkender joq. Kólik tolyǵymen órtenip ketti.
О́rt saǵat 12:19-da sóndirildi.
