Aqtaýda sheneýnikter bir kıiz úıdi 7 mln teńgeden satyp almaq bolǵan

Foto: abai.kz

Aqtaýda sheneýnikter bir kıiz úıdi 7 mıllıon teńgeden satyp almaq bolǵan. Sóıtken olar barlyǵy 12 kıiz úıge tapsyrys bermek bolypty. Alaıda, shendilerdiń bul rette joly bolmady, dep habarlaıdy qandastar.kz aqparat portaly Astana.tv-ǵa silteme jasap.

Aldymen áleýmettik jelide memlekettik satyp alýlar saıtynan alynǵan atalǵan fakti jyldam tarap, qoǵamnyń narazylyǵyn týǵyzdy. 12 kıiz úıge ákimdik qyzmetkerleri 81 mln teńge jumsamaq bolǵan. Qadaǵalaý organynyń qyzmetkerleri jekeleı zertteý júrgizip, mundaı taýardy 6 mln 750 myń teńgege emes, 1, 5 — 2 mıllıon teńgeden de satyp alýǵa bolatynyn anyqtady.

«Bizdiń usynysymyzdy qaraý úshin ákimdik qyzmetkerlerine bir aı ýaqyt berildi, osy merzim ótkennen keıin olar bizge kıiz úı baǵasyn anyqtaǵan adamǵa qatysty qandaı sharalar qabyldaǵany týraly jazbasha jaýap berýge mindetti. Is-áreketter tártiptik komıssııada qaralatyn bolady. Bylaısha aıtqanda, jaýapkerge qandaı jaza taǵaıyndalatynyn qala basshylyǵy sheshedi». Albert Esmurzaev, Aqtaý qalalyq prokýratýrasynyń qoǵamdyq múddelerdi qorǵaý bóliminiń prokýrory