Aqtaýda tegin dónerge talasqandar bir-birin taptap kete jazdaǵan

Mańǵystaý oblysy Munaıly aýdanynyń Qyzyltóbe aýylynda tegin doner men sýshı taratýǵa arnalǵan akııa janjalmen aıaqtaldy, dep habarlaıdy qandastar.kz

Fastfýd dámhanasynyń ıesi áleýmettik jelide tegin tamaq taratylatynyn habarlaǵannan keıin, oqıǵa ornyna kóp turǵyndar jınalyp, bir-birin taptap kete jazdaǵan.

Jınalǵan halyqtyń sanyn kórgen dámhana ıesi jaǵdaıdy baqylaýda ustaı almaı qaldy. Oqıǵa ornyna polıııa qyzmetkerleri kelip, jurtty sabyrǵa shaqyrdy.

Mańǵystaý oblystyq polıııa departamentiniń málimetinshe, kásipkermen profılaktıkalyq áńgime júrgizilgen. Dámhana ıesi turǵyndardyń kóp jınalatynyn kútpegenin aıtyp, kelesi joly mundaı jaǵdaıdy boldyrmaýǵa ýáde berdi.

«Qyzyltóbe aýylynda halyq kóp jınalǵandyqtan, tegin tamaq taratý ornyn ózgertip, basqa aýylda ótkizdik. Bolashaqta bul jaǵdaı qaıtalanbaıdy. Keshirim suraımyn», – dedi kásipker.

Eske salsaq, buǵan deıin Aqtóbede tegin doner taratqan kásipkerge aıyppul salynǵan bolatyn.