Ақтауда жолаушылар ұшағы құлады

Видео: әлеуметтік желіден

Ақтауда ұшақ құлады. Желіде жария болған видеоға сүйенсек, ұшақ Ақтау әуежайына жақын жерде құлаған болуы мүмкін, деп жазады qandastar.kz

Қазақстан Көлік министрлігінің ақпаратына сүйенсек, ұшақ Azerbaijan Airlines авиа компаниясының Бакуден Грозныйға ұшып бара жатқан рейсі.

Төтенше жағдайлар министрлігі таратқан ақпаратқа сәйкес, Ақтаудағы ұшақ апаты болған жерге 52 құтқарушы мен 11 төтенше жағдайлар техникасы жеткізілген. Құтқарушылар келгенде әуе кемесі жанып жатқан. Олар отты сөндіруді бастаған.

«Қазіргі уақытта зардап шеккендер туралы ақпарат нақтылануда, тірі қалғандар бар екендігі алдын-ала хабарланды», – делінген министрлік ақпаратында.

Министрлік жанынан жедел штаб құрылған. Сенім телефоны жария болды: 8/7292/319099