اقتاۋدا ءجۇرىپ كەلە جاتقان كولىكتەن بالا قۇلاپ كەتكەن

ۆيدەودان كادر: instagram.com/na_dorogah_aktau

جەلىدە اقتاۋدا ءجۇرىپ بارا جاتقان كولىكتەن جول ورتاسىندا بالا ءتۇسىپ قالعانى تۇسىرىلگەن ۆيدەو تارادى. قازىر پوليتسەيلەر جۇرگىزۋشىنى ىزدەستىرىپ جاتىر, دەپ حابارلايدى ماڭعىستاۋ وبلىسىنىڭ پوليتسيا دەپارتامەنتىنە سىلتەمە جاساعان KAZ.NUR.KZ.

كادرلار Instagram جەلىسىندەگى na_dorogah_aktau پاراقشاسىندا جاريالاندى.

«كولىك بۇرىلىپ جاتقاندا بالا ءتۇسىپ قالدى», – دەلىنگەن ۆيدەوسيپاتتامادا. ۆيدەونىڭ استىندا جەلى قولدانۋشىلاردىڭ كوبى جاعىمسىز پىكىر قالدىرعان. «اتا-انانىڭ بالاعا دەگەن نەمقۇرايلىلىعى», «اتا-انا قۇقىعىنان ايىرۋ كەرەك», «ارنايى ورىندىق تا جوق, ەسىكتەر ق ۇلىپتالماعان», «ارنايى ورىندىقسىز بالا تاسىمالداعانى ءۇشىن قاتاڭ ايىپپۇل سالۋ كەرەك», – دەپ جازدى اشۋلانعان جەلى قولدانۋشىلارى.

بۇل جايتقا بايلانىستى ماڭعىستاۋ وبلىستىق پد ءباسپاسوز قىزمەتى تۇسىنىكتەمە بەردى.

«قازىرگى ۋاقىتتا جۇرگىزۋشىنىڭ جەكە باسى انىقتالدى. ونى ىزدەستىرۋ شارالارى جۇرگىزىلىپ جاتىر. قۇقىقبۇزۋشى اكىمشىلىك جاۋاپكەرشىلىككە تارتىلادى», – دەيدى ۆەدومستۆو وكىلدەرى.