Aqtaýda «Jyl stýdenti – 2023» anyqtaldy

28 qarasha kúni Aqtaýda «Jyl stýdenti – 2023» oblystyq stýdentter baıqaýy ótti. Bıyl «Jyl stýdenti» ataǵyna Muryn jyraý Seńgirbekuly atyndaǵy Mańǵystaý joǵary pedagogıkalyq kolledjiniń 3-kýrs stýdenti Uljan Abdrahman ıe boldy.

Baıqaýǵa qatysýǵa Mańǵystaý oblysynyń tehnıkalyq jáne kásiptik oqý oryndary, Sh.Esenov Kaspıı memlekettik tehnologııalar jáne ınjınırıng ýnıversıteti stýdentterinen 85 ótinim kelip túsken. Sonyń ishinde 10 jas úzdik atandy.

Shara barysynda Mańǵystaý oblystyq jastar saıasaty máseleleri jónindegi basqarmasynyń basshysy Muqash Oralbaı memleket tarapynan jastardyń belsendiligin arttyryp, shyǵarmashylyǵyn shyńdaý maqsatynda qoldaý kórsetilip jatqanyn atap ótti. Sondaı-aq baıqaýda top jarǵan stýdentterdi quttyqtap, arnaıy dıplomdy tabystady.

Júzden júırik shyqqan stýdentter qatarynda Muryn jyraý Seńgirbekuly atyndaǵy Mańǵystaý joǵary pedagogıkalyq kolledjiniń 3-kýrs stýdenti Uljan Abdrahman «Jyl stýdenti – 2023» atandy.

Al «Úzdik belsendi stýdent» atalymyna Nurlyhan Bekbosynov atyndaǵy Mańǵystaý energetıkalyq kolledjiniń stýdenti Darhan Shańytbaev, «Úzdik ónerpaz» atalymyna Mańǵystaý týrızm kolledjiniń stýdenti Alına Kýlova, «Úzdik sýretshi» atalymyna «Beıneý gýmanıtarlyq kolledjiniń stýdenti Albına Bolatova, «Úzdik sportshy» atalymyna Esenov kolledjiniń stýdenti Shalqar Aqmoldaev, «Úzdik aqyn» atalymyna Sh.Esenov atyndaǵy KTIÝ stýdenti Alshyn Sýemov, «Úzdik mobılograf» nomınaııasyna “Kaspıı” joǵary pedagogıka jáne salalyq tehnologııalar kolledjiniń stýdenti Anjımha Koptleýova, «Úzdik stýdenttik ózin-ózi basqarý uıymynyń tóraǵasy» atalymy boıynsha H.О́zbekǵalıev atyndaǵy Mańǵystaý joǵary polıtehnıkalyq kolledjiniń stýdenti Mıras Kóshen, «Úlgerimi boıynsha úzdik stýdent» atalymy boıynsha Sh.Esenov atyndaǵy KTIÝ stýdenti Gýlsaıa Býlekbaeva, «Úzdik erikti» atalymyna Kaspıı óńirlik «Bolashaq» kolledjiniń stýdenti Gúlnazym Abenova ıe boldy.

Sonymen qatar Mańǵystaý oblystyq bilim basqarmasynyń basshysy Dınara Jumasheva stýdentterdi qoǵamdyq sharalardan qalmaı, únemi izdenis ústinde bolýǵa shaqyrdy. Belsendilik tanytqan úzdik jastardy marapattady.

Jalpy oblystyq baıqaýdyń negizgi maqsaty – stýdent jastardyń áleýmettik áleýetin arttyrý jáne stýdenttik ómirge belsene aralasatyn jastardy, stýdentterdi, stýdenttik toptardy anyqtaý.

Saltanatty sharany Mańǵystaý oblysynyń jastar saıasaty máseleleri jónindegi basqarmasynyń tapsyrysymen Azamattyq bastamalardy qoldaý ortalyǵynyń qoldaýymen «Aqtaý stýdentter Alıansy» KQ uıymdastyrdy.