اقتاۋداعى ۇشاق اپاتىنان زارداپ شەككەندەرگە قانشا وتەماقى بەرىلەدى?

فوتو: ازامات سارسەنباەۆ

اقتاۋداعى ۇشاق اپاتىنان زارداپ شەككەن   ار وتباسىنا شامامەن 5 ميلليون تەڭگە تولەنۋى ءتيىس بولعان. بۇل تۋرالى بۇگىن ۇكىمەتتتە وتكەن بريفينگتە پرەمەر-ءمينيستردىڭ ورىنباسارى قانات بوزىمباەۆ مالىمدەدى, دەپ حابارلايدى qandastar.kz

«ءار وتباسىنا ءتيىستى مولشەردە قارجى تولەندى. جەرلەۋ ءراسىمى مەن باسقا دا ماسەلەلەردى ارىپتەستەرىمىز ءوز موينىنا الدى. وقيعا ورنىنا بارۋ جانە ولاردىڭ تاسىمالدانۋى قامتاماسىز ەتىلدى. قازىرگى تاڭدا دەمەۋشىلىك كومەكتىڭ ارقاسىندا قازا تاپقانداردىڭ وتباسىلارىنا ءتيىستى قولداۋ كورسەتىلىپ جاتىر. ءار وتباسىنا شامامەن 5 ميلليون تەڭگە تولەنۋى ءتيىس ەدى. سونىمەن قاتار, جەرلەۋ راسىمىنە, دەنەلەردى تاسىمالداۋعا, ساپارعا كەتەتىن شىعىندار دا قامتىلدى», – دەدى بوزىمباەۆ.

ەسكە سالساق, 25 جەلتوقساندا  اقتاۋ ماڭىندا باكۋدەن گروزنىيعا ۇشىپ بارا جاتقان «Azerbaijan Airlines» اۋە كومپانياسىنا تيەسىلى جولاۋشىلار ۇشاعى قۇلاعان ەدى. بورتتا 67 ادام بولعان. 38 ادام قازا تاۋىپ, 29 ادام امان قالدى.