اكتەر ءشارىپ سەرىكتى فيلمدەردەن الىپ تاستاپ, پوليتسەيلەر تەرگەۋدە

 zakon.kz جازعانداي, Salem Entertainment «بيزنەسمەندەر», «كەتتىك», «كورشىلەر» جانە باسقا دا فيلمدەردە ويناعان اكتەرمەن سەرىكتەستىگىن توقتاتتى.

«سوڭعى وقيعالارعا بايلانىستى Salem Entertainment كومانداسى اكتەر ءشارىپ سەرىكتى قارا تىزىمگە ەنگىزۋ جانە بارلىق ىنتىماقتاستىقتى تولىعىمەن توقتاتۋ تۋرالى شەشىم قابىلدادى. قازىرگى ۋاقىتتا بۇعان دەيىن جاريالانعان «شاكال» جوبالارى مەن «قارعا» سەريالىنىڭ ءۇشىنشى ماۋسىمى توقتاتىلدى, سونىمەن قاتار اكتەر باستى رولدەردىڭ ءبىرىن سومداۋى ءتيىس «Meow» سەريالىنىڭ ەكىنشى ماۋسىمىنا تۇسپەيدى.سونىمەن قاتار, «پاترۋل: سوڭعى بۇيرىق» ءفيلمىنىڭ كومانداسى پروكاتقا دايىندالىپ جاتقان فيلمنەن ءشارىپ سەرىككە قاتىستى كورىنىستەردى الىپ تاستاۋ بويىنشا بەلسەندى جۇمىس ىستەپ جاتىر», – دەلىنگەن حابارلامادا.