اقتوبە فۋتبول كلۋبىنا تەكسەرۋ جۇرۋدە

فوتو: Pixabay / phillipkofler

وبلىس پروكۋراتۋراسى اقتوبە فۋتبول كلۋبىنىڭ قىزمەتىنە تەكسەرىس جۇرگىزىپ, 250 ملن تەڭگە جىمقىرىلعانىن انىقتادى, دەپ حابارلايدى qandastar.kz

ونىڭ ىشىندە ويىنشىلاردىڭ ترانسفەرلەرى جانە اۋە تاسىمالداۋ بويىنشا كۇماندى مامىلەلەر جاسالعان. سونداي-اق كلۋب قىزمەتكەرلەرى ويىنشىلاردىڭ تاماعىنا بولىنگەن قاراجاتتى جەكە قاجەتتىلىكتەرىنە جۇمساعان.

تەكسەرۋ قورىتىندىسى بويىنشا وبلىس پروكۋراتۋراسى قىلمىستىق كودەكستىڭ 189-بابىنىڭ 4-بولىگىنىڭ 2) تارماعى (اسا ءىرى مولشەردە سەنىپ تاپسىرىلعان بوتەن م ۇلىكتى جىمقىرۋ), 361-بابىنىڭ 4-بولىگىنىڭ 1) تارماعى (لاۋازىمدىق وكىلەتتىكتەردى تەرىس پايدالانۋ) جانە 190-بابىنىڭ 4-بولىگىنىڭ 2) تارماعى (الاياقتىق) بويىنشا 3 سوتقا دەيىنگى تەرگەپ-تەكسەرۋدى باستادى.

قىلمىستىق ىستەر تەرگەپ-تەكسەرۋ امالدارىن جۇرگىزۋ ءۇشىن سىبايلاس جەمقورلىققا قارسى قىزمەتكە جولداندى.

ىستەردىڭ تەرگەلۋى وبلىس پركۋراتۋراسىنىڭ باقىلاۋىندا.