جاڭالىقتار
اقتوبە وبلىسىندا ۇشەم دۇنيەگە كەلدى
فوتو: mugaljar_aydanynyn_akimdigi
اقتوبە وبلىسى قاندىاعاش قالاسىندا ۇشەم ومىرگە كەلدى, دەپ حابارلايدى Qaz365.kz.
اقتوبە وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا, مۇعالجار اۋدانى قاندىاعاش قالاسىنىڭ تۇرعىنى گۇلسايا قالجانوۆا ومىرگە ۇشەم اكەلدى. بالالاردىڭ ەسىمى – حامزا, يبراhيم, احماد. ۇشەۋى دە ءدىن امان, ەرتەڭ ۇيىنە شىعادى.
«بۇل وتباسىنىڭ ءتورت بالاسى بار. ءبىر قىز, ءۇش ۇل. ۇشەم ومىرگە كەلىپ, ەندى ول 7 بالانىڭ اتا-اناسى اتانىپ وتىر. اناسى گۇلسايا – مۇعالجار اۋدانى اكىمدىگىندە ءىس جۇرگىزۋشى, اكەسى ءادىلحان تەمىرجول سالاسىندا ەڭبەك ەتەدى. بالالاردىڭ دەنساۋلىعى جاقسى. يبراحيم 2 985 گر, ال حامزا مەن احماد 2 435 گر بولىپ ومىرگە كەلدى», – دەپ حابارلادى اقتوبە وبلىستىق دەنساۋلىق ساقتاۋ باسقارماسى ءباسپاسوز قىزمەتى.
