جاڭالىقتار
اقتوبە وبلىسىنداعى جانتۇرشىگەرلىك جول اپاتى: شەتەلدىك ازامات قاماۋعا الىندى
فوتو: كۋاگەرلەر
اقتوبە وبلىسىنداعى تاسجولدىڭ بىرىندە شاعىن اۆتوبۋسپەن سوقتىعىسقان جۇك كولىگىنىڭ جۇرگىزۋشىسى ەكى ايعا قاماۋعا الىندى, – دەپ حابارلايدى Massaget.kz تىلشىسى.
7 تامىزدا سامارا – شىمكەنت تاسجولىنىڭ 862-شاقىرىمىندا (حرومتاۋ اۋدانى) جۇك كولىگى مەن مينيۆەن سوقتىعىستى. مينيۆەندەگى سەگىز ادامنىڭ بارلىعى قازا تاپتى. ولاردىڭ اراسىندا بەس بالا بولعان.
رەسمي اقپارات بويىنشا, جۇك كولىگىنىڭ جۇرگىزۋشىسى سوتتىڭ رۇقساتىمەن ۇستالىپ, قاماۋعا الىندى. اقتوبە وبلىستىق سوتىنىڭ ءباسپاسوز قىزمەتى حابارلاۋىنشا, جۇك كولىگىنىڭ جۇرگىزۋشىسى – بەلارۋس ازاماتى.
