اقتوبە وبلىسىنىڭ تۇرعىندارىنا كومەك كورسەتىلىپ جاتىر

اقتوبە وبلىسىنداعى سۋ باسقان اۋدانداردا مال ازىعى تاپشى,

جايىلىمدى سۋ باسىپ قالدى. اۋدان تۇرعىندارىنا قازاقستان مۇسىلماندارى ءدىني باسقارماسىنىڭ ۇيىمداستىرۋىمەن كومەك كورسەتىلىپ جاتىر. كاسىپكەرلەر دەمەۋشىلىك جاساپ, ازىق-ت ۇلىك پەن باسقا دا قاجەتتى زاتتاردى جەتكىزىپ جاتىر.

سۋ تاسقىنى باستالعالى اۋداندارعا 40 جۇك كولىگى گۋمانيتارلىق كومەك اپارعان. ودان بولەك, قالا مەكتەپتەرىندەگى ەۆاكۋاتسيالىق پۋنكتتەرگە كۇندەلىكتى ىستىق تاماق جەتكىزىلەدى. 150 وتباسىنا ازىق-ت ۇلىك تاراتىلدى. سونداي-اق ءۇيى سۋعا كەتىپ, قيىن جاعدايدا قالعان 4 وتباسىنا قادىر ءتۇنى باسپانا بەرىلدى. سەرىكجان ەنشىباي ۇلى, قازاقستان مۇسىلماندارى ءدىني باسقارماسىنىڭ اقتوبە وبلىسى بويىنشا باس يمامى: — قوبدا اۋدانىندا جەمگە قاجەتتىلىك تۋىندادى. جايىلىمنىڭ ءبارىن سۋ باسىپ كەتتى دەگەننەن كەيىن 17 توننا جەم جونەلتىلدى.

سۋ باسقان ۇيلەردى قايتادان قالپىنا كەلتىرىپ, كەپتىرۋ ءۇشىن ارنايى قۇرىلعىلار, سولاردى ءبولىپ بەرىپ جاتىرمىز. ويىل اۋدانىنا ەكى موتورلى قايىق الۋعا جاردەم بەردىك. قازىرگى تاڭدا باسقا دا ءۇيدىڭ قاجەتتى تەحنيكالارىن الىپ بەرۋگە قارجىلاي كومەك جينالىپ جاتىر.