AQTО́BE OBLYSYNYŃ TURǴYNDARYNA KО́MEK KО́RSETILIP JATYR

Aqtóbe oblysyndaǵy sý basqan aýdandarda mal azyǵy tapshy,

Jaıylymdy sý basyp qaldy. Aýdan turǵyndaryna Qazaqstan musylmandary dinı basqarmasynyń uıymdastyrýymen kómek kórsetilip jatyr. Kásipkerler demeýshilik jasap, azyq-túlik pen basqa da qajetti zattardy jetkizip jatyr.

Sý tasqyny bastalǵaly aýdandarǵa 40 júk kóligi gýmanıtarlyq kómek aparǵan. Odan bólek, qala mektepterindegi evakýaııalyq pýnktterge kúndelikti ystyq tamaq jetkiziledi. 150 otbasyna azyq-túlik taratyldy. Sondaı-aq úıi sýǵa ketip, qıyn jaǵdaıda qalǵan 4 otbasyna Qadir túni baspana berildi. Serikjan Enshibaıuly, Qazaqstan musylmandary dinı basqarmasynyń Aqtóbe oblysy boıynsha bas ımamy: — Qobda aýdanynda jemge qajettilik týyndady. Jaıylymnyń bárin sý basyp ketti degennen keıin 17 tonna jem jóneltildi.

Sý basqan úılerdi qaıtadan qalpyna keltirip, keptirý úshin arnaıy qurylǵylar, solardy bólip berip jatyrmyz. Oıyl aýdanyna eki motorly qaıyq alýǵa járdem berdik. Qazirgi tańda basqa da úıdiń qajetti tehnıkalaryn alyp berýge qarjylaı kómek jınalyp jatyr.