Aqtóbede balabaqsha qyzmetkerleri memleketten 240 mıllıon teńge jymqyrǵan

Foto: ashyq derekkóz

Olar negizsiz joǵarylatylǵan bıýdjettik ótinimder arqyly qyzmetkerlerge syıaqy berý arqyly aqsha urlaǵan. Sondaı-aq belgilengen normadan artyq jalaqy aýdaryp, jalǵan is sapar qujatyn jasaǵan, dep jazady qandastar.kz

Belgili bolǵandaı, esepshilerdiń biri keıbir qyzmetkerlerge joǵary jalaqyny zańsyz aýdaryp,  muǵalimder eki eselengen eńbek demalysyn alǵan. Qyzmetker ózine jáne balabaqsha dırektorynyń kartasyna da aqsha aýdarǵany anyqtaldy.

«Aýdandyq prokýratýralar qabyldaǵan sharalardyń nátıjesinde aýdandyq bilim bóliminiń burynǵy basshysyna, balabaqshalardyń úsh meńgerýshisine jáne tórt esepshisine bótenniń senip tapsyrylǵan múlkin asa iri kólemde ıemdený faktisi boıynsha sotqa deıingi tergeý amaldary bastaldy. Barlyq faktiler boıynsha Sybaılas jemqorlyqqa qarsy qyzmet sotqa deıingi tergep-tekserý jumystaryn júrgizýde», – dedi qadaǵalaý organy.