قارجى جانە تولەمدەر
اقتوبەدە ءبىلىم ءبولىمىنىڭ باس مامانىنا قاتىستى ءىس تەرگەلۋدە
فوتو:Pixabay
اقتوبە وبلىسىندا ءبىلىم بەرۋ سالاسىندا سىبايلاس جەمقورلىققا قاتىستى بىرنەشە ارەكەت ورىن العان, دەپ جازادى qandastar.kz اقپارات پورتالى diapazon.kz-كە سىلتەمە جاساپ.
اقتوبە قالاسى ءبىلىم ءبولىمىنىڭ باس مامانىنا قاتىستى ءىس تەرگەلۋدە. ول 4,9 ملن تەڭگەنى ۇرلادى دەگەن كۇدىككە ءىلىندى.
وبلىستىق ءبىلىم بەرۋ سالاسىنداعى ساپانى قامتاماسىز ەتۋ دەپارتامەنتى باسشىسىنىڭ ۋاقىتشا مىندەتىن اتقارۋشىعا قاتىستى دا قىلمىستىق ءىس قوزعالدى. شەنەۋنىك مەكتەپ باسشىلارىنان اتتەستاتتاۋدان وتۋگە كومەكتەسكەنى ءۇشىن پارا الدى دەپ ايىپتالىپ وتىر.
سىبايلاس جەمقورلىققا قارسى ءىس-قيمىل اگەنتتىگى مەكتەپتەردە بيۋدجەت اقشاسىن ۇرلاۋدى توقتاتۋ جانە وزدەرىنە ءتيىستى مولشەردەن ارتىق جالاقى اۋدارۋدىڭ الدىن الۋ باعىتىندا بىرقاتار شارالاردى قولعا العان.
«بۋحگالتەرلىك باعدارلامالارعا بىرىڭعاي تەحنيكالىق تالاپتار بار, ولار بۇل سالادا ەڭبەك ەتپەيتىندەردىڭ جالعان دەرەكتەرىن ەنگىزۋگە توسقاۋىل قويۋعا مۇمكىندىك بەرەدى. ال بۋحگالتەريا مەملەكەتتىك ورگانداردىڭ, ونىڭ ىشىندە قازىناشىلىقتىڭ دەرەكتەر بازاسىمەن بىرىكتىرىلەتىن بولادى», – دەيدى ۆەدومستۆو.
