اقتوبەدە بۇرىنعى ايەلىن كوشەدە تەۋىپ, تۇنشىقتىرعان ەر ادام پورنو ۆيدەولار تۇسىرگەن

فوتو: اشىق دەرەككوز

KAZ.NUR.KZ سايتىنىڭ جازۋىنشا, اقتوبەلىك التىنگۇل راحمەتقىزىنىڭ ءتورت ايدان بەرى مازاسى كەتتى. ايتۋىنشا, كۇيەۋى زاڭدى تۇردە اجىراسقان سوڭ دا تىنىشتىق بەرمەگەن. كوشەدە شابۋىل جاساپ قىلعىندىرىپ, بىرنەشە رەت قوقان-لوقى جاساعان. ايەل بۇرىنعى كۇيەۋىنە قاتىستى قۇقىق قورعاۋ ورگاندارى تاراپىنان ەش شارا قولدانىلماي جاتقانىن ايتادى.

بيىل اقپاندا اجىراسۋعا ارىز بەردىك. مەن قورعاۋشى ىزدەپ, استاناعا كەتكەنىمدە ۇيگە كەلگەن. بالالارمەن قورقىتتى. 22 جاستاعى ۇلدىڭ اتىن ايتىپ» وعان بىردەڭە بولادى دەپ قورىقپايسىڭ با» دەپ حابارلاستى. استانادان كەلگەن سوڭ 5 ساۋىردە پوليتسياعا ارىز جازدىم. ول ۇيگە كەلىپ مازالاي بەردى. بولماعان سوڭ پوليتسيا شاقىردىم. پوليتسيا ءبىر ايعا قورعاۋ ءتارتىبىن ەنگىزدى. 18 ساۋىردە ول ماعان شابۋىل جاسادى. كەشكى ۋاقىتتا دارىحاناعا كەلگەن ەدىم. قىزىم كولىكتە قالدى. كەلگەنىمدە قىزىم سويلەي الماي جاتتى. قىزىمنىڭ كوزى تۇسكەن جاققا قاراعانىمدا بۇرىنعى كۇيەۋىمنىڭ كەلە جاتقانىن كوردىم. بالاعا زيانى تيمەسىن دەپ بىردەن كولىكتى جاپتىم. قاسىما كەلىپ «مەن سەنى ولتىرەمىن» دەپ ىشىمنەن ءبىر ۇردى. شنۋرمەن موينىمنان قىلعىندىرا باستادى. سول كەزدە ءوتىپ بارا جاتقان ءبىر ادام كومەكتەستى. مەن تەك سوڭعى 20 سەكۋندتى ۆيدەوعا ءتۇسىرىپ ۇلگەردىم. وندا قولىندا شنۋر بار ەكەنى انىق كورىنەدى. سول جەردە پوليتسياعا حابارلادىم, ارىز جازدىم, ەكسپەرتيزا جاساتتىم. مويىنىمدا قىلعىندىرعان, ىشىمدە كوگەرگەن جەر بولدى. 19 ساۋىردەن باستاپ مەنى كۇندىز-ءتۇنى پوليتسيا كۇزەتەدى. ولار اۋلاداعى شاعىن ۇيدە تۇرادى. مەنىمەن بارلىق جەردە ەرىپ جۇرەدى. قوناققا بارسام دا بىرگە بارادى, – دەيدى التىنگۇل راحمەتقىزى.

ايتۋىنشا, اجىراسىپ جاتقان كۇيەۋىمەن ارادا ءۇش بالاسى بار. 22 جاستاعى ۇلى جاقىندا اسكەرگە كەتكەن. 17 جانە 12 جاستاعى بالالارى دا اكەلەرىنەن قورقادى.

ول 23 جىل بويى قول جۇمساپ كەلدى. بىراق ونى سىرتقا شىعارعان ەمەسپىن. كەز-كەلگەن ساتتە جانجال باستايتىن. ۇرىپ جىبەرەدى, قىلعىندىرادى. وتباسى بولعان سوڭ وندايلار بولا بەرەتىن شىعار دەپ جۇرە بەردىك. باسقا ايەلى بارىن بىلگەننەن كەيىن شىداي المادىم. مەن وعان قاتىستى بىرنەشە ارىز ءتۇسىردىم. بىراق وعان قاتىستى ەشقانداي شارا قابىلدانىپ جاتقان جوق. ماعان دەنە جاراقاتىن كەلتىرىپ, ءۇيىڭدى ورتەيمىن دەپ نەشە ءتۇرلى قورقىتاتىن حابارلاما جىبەردى. بالالارىڭا دا كۇزەتشى جالدا دەگەن. قازىر بالالارى ودان قورقادى. ۇشەۋى دە ءوزىنىڭ بالاسى. مەن ءومىرىم, بالالارىم ءۇشىن قورقامىن. وسى ۋاقىتقا دەيىن ءبىر شارا قولدانباي سوزىلىپ كەتكەنى الاڭداتادى. ول اقشاسى بار قالتالى ادام. قۇتىلىپ كەتۋى مۇمكىن, – دەيدى ول.

ءتىپتى كەلىنشەك بۇرىنعى كۇيەۋىمەن بىرگە تۇرعان كەزدە توسەكتە بولعان ساتتەر تۇسىرىلگەن ۆيدەولاردى تاۋىپ العانىن دا ايتتى.

ەكەۋمىزدىڭ توسەك قاتىناسىمىزدى جاسىرىن ۆيدەوعا ءتۇسىرىپ, پاپكاعا اتىمدى جازىپ ساقتاپ قويعان. ونداي بىرنەشە ۆيدەو بار. ول جەردە جالعىز مەن ەمەس. بىرنەشە ايەل, قىز-كەلىنشەك ءجۇر. ءبارىنىڭ اتىن جازىپ, بولەك پاپكا قىلىپ ساقتاعان. ونى بايقاۋسىزدا كابينەتىن جيناپ ءجۇرىپ كوردىم. فلەشكالار جاتتى. جۇمىس ىستەيتىن فلەشكالار ما دەپ تەكسەرىپ قاراعاندا پورنوگرافيالىق ۆيدەولاردى كوردىم. جاسىرىن كامەرامەن تۇسىرىلگەن بولۋى مۇمكىن. ەگەر تەلەفونمەن تۇسىرسە بايقار ەدىم. استىنان تۇسىرىلگەن. ءبارى الدىن الا دايىندالعان دەپ ويلايمىن. جۇزدەن اسا ۆيدەو بار. ىشىندە 20-دان اسا قىز كەلىنشەك ءجۇر. ول پاپكالار 2018 جىلدان باستاپ جيناقتالعان. قاي كۇنى تۇسىرىلگەنى ۆيدەودا شىعىپ تۇر. بۇعان قاتىستى قىلمىستىق ءىس تەرگەۋدە, – دەدى التىنگۇل راحمەتقىزى.

كەلىنشەك قازىر قورعاۋشىسىن ەرتىپ, پوليتسيا مەن پروكۋراتۋرانىڭ تابالدىرىعىن توزدىرىپ ءجۇر.

مەنىڭ قورعاۋىمداعى ازاماتشانىڭ ومىرىنە تونگەن قاۋىپ بويىنشا قورعاۋ تاعايىندالدى. ءتورت ايدان بەرى كۇندىز-ءتۇنى ەكى پوليتسيا قىزمەتكەرى كەزەكتەسىپ كۇزەتەدى. ءبىز ءىستى ءادىل قاراۋىن سۇرايمىز. اكىمشىلىك ءىستى التى كۇننەن بەرى سوزىپ وتىر. ول – كاسىپكەر. اقشاسى بار. ايەلىن «ۇلكەن جەردە تانىستارىم بار» دەپ قورقىتقان. 18 ساۋىردە ونى اڭدىپ, قىلعىندىردى. ونى كوشەدە ءوتىپ بارا جاتقان ەر ادام قۇتقارىپ قالدى. ءالى كۇنگە دەيىن قۇتقارعان ادامدى ەشكىم ىزدەگەن جوق, كۋاگەر رەتىندە جاۋاپ المادى. ەر ادام دەنە جاراقاتىن اكەلدى. ماشينانىڭ ارتىندا وتىرعان قىزى وقينىڭ ءبارىن كورىپ وتىرعان. قورعاۋىمداعى ازاماتشا شاراسىز. قۇقىق قورعاۋ ورىندارى نەگە تيىسىنشە ارەكەت ەتپەي وتىر? ادام ءولىمى كەرەك پە? ءبىزدىڭ بىلۋىمىزشە, ول ادام بىرنەشە قورعاۋشى جالداعان. اراسىندا بۇرىن پروكۋراتۋرادا قىزمەت ەتكەندەر بار. وبلىستىق پروكۋراتۋراعا ەكى رەت باردىق. قالاي بولعاندا دا بۇل اقشاسى بار ادام. كۇمان كوپ. سوندىقتان بۇل جاعدايدى قوعام الدىندا ايتۋعا بەل بۋدىق,- دەدى قورعاۋشى ەسكەندىر ادامجانوۆ.

ال پوليتسيا دەپارتامەنتى وقيعاعا قاتىستى تەرگەۋ ءجۇرىپ جاتقانىن حابارلادى.

قورقىتۋ فاكتى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. قىلمىستىق ءىستى تەرگەۋدىڭ تولىقتىعى مەن وبەكتيۆتىلىگىن قامتاماسىز ەتۋ ءۇشىن بارلىق قاجەتتى شارا قابىلداندى. سونداي-اق ءىستى تەرگەۋ شەڭبەرىندە تاراپتار ۇسىنعان بارلىق دالەلدەر تەكسەرىلەدى, – دەدى اقتوبە وبلىستىق پوليتسيا دەپارتامەنتىنىڭ ءباسپاسوز قىزمەتى وكىلى.

پوليتسيا قىلمىستىق ءىستى تەرگەپ-تەكسەرۋ اياسىندا وزگە اقپاراتتىڭ جاريا ەتۋگە جاتپايتىنىن حابارلادى.