Aqtóbede eki balasyn óltirdi dep aıyptalǵan bala kútimi demalysyndaǵy muǵalimniń soty bastaldy

Foto: Orda.kz

Aqtóbede jas kelinshek 11 aılyq jáne 3 jastaǵy balalaryn tunshyqtyryp óltirdi degen kúdikke ilindi. Áıel qaıǵyly oqıǵaǵa deıin de balalaryn birneshe ret óltirýge oqtalǵan. Qazir 29 jastaǵy kelinshek Talǵardaǵy psıhıkalyq emdeý ortalyǵynda jatyr, dep habarlaıdy qandastar.kz   Orda.kz-ke silteme jasap.

Búgin Aqtóbe oblysynyń qylmystyq ister jónindegi mamandandyrylǵan aýdanaralyq sotynda qos búldirshinniń ólimine qatysty is bastaldy. Sotta aldyn ala tyńdaý ótti.

Is boıynsha 29 jastaǵy kúdikti óziniń qasaqana is-áreketimen QR Qylmystyq kodekstiń 99-baby 3-bóliginde («Adam óltirý») kórsetilgen qylmysty jasady dep aıyptaldy.

Qaıǵyly oqıǵa 2025 jyldyń 23 naýryz aıynda boldy. 11 aılyq qyzyn jáne 3 jastaǵy ulyn tunshyqtyryp óltirgenin áıeldiń ózi aıtyp bergen. Kúdikti fakt bolǵanǵa deıin Atyraý oblysynyń Saǵyz aýylynda turǵan.

Sotqa jábirlenýshi retinde áıeldiń kúıeýi, balalardyń ákesi keldi. Aıtýynsha, 4 jyl birge turǵan, qazir de zańdy nekede.

«Buǵan deıin de osyndaı oqıǵa boldy. Ony áıelimniń ózi aıtty. 11 naýryz kúni saǵat keshki 17:00 shamasynda uıyqtap jattym. Ol maǵan «qyzdy tunshyqtyryp tastadym» dedi. Balalar oınap júrdi. Sengen joqpyn, mán bermedim. Keıin syrtqa shyǵyp ketip, oılandym, qoryqtym, qaıtyp keldim. Qyzdyń bir jaq betinde kishkene daqtar qaptap ketken. Áıelim: «taıaýda óledi» dedi. Keıin ata-anasyna habar berdim. Áreket bolsyn dep polıııa qyzmetkerlerin shaqyrdym. 10 kún aralyǵynda áıelimdi ákesi Aqtóbege óz úıine alyp ketti. Balalardy jibergende qorqynysh bolmady, sendim. Oqıǵa bolǵan kezde inisi men kelini úıde, basqa bólmede bolǵan. Men bolmadym ol jerde. Telefon arqyly estidim. 23 naýryz kúni túste bolǵan. Ákesine habarlasyp, ózi aıtqan. Men ózim vahtada jumys isteımin. Oǵan ekinshi dárejeli psıhoz dıagnozy qoıylǵan. Ol eki balanyń kútimimen úıde otyrdy. Muǵalim bolyp jumys istegen», — dedi joldasy Jeńisbek Ádilhanov.

Sottalýshy 1996 jyly Baıǵanın aýdanynda týǵan. Bilimi joǵary. Sońǵy jyldary bala kútimimen úıde otyrǵan. Oǵan deıin Atyraý oblysyndaǵy mektepterdiń birinde bastaýysh synyptarǵa sabaq bergen. Muǵalim retinde qyzmet atqarǵan.

Memlekettik aıyptalýshy kúdiktige qatysty aıyptaý mánin baıandady.

«2025 jyldyń 13 naýryzy kúni D.B. Atyraý oblysy Qyzylqoǵa aýdany Saǵyz aýylynda turatyn qyzynyń júıke júıesiniń buzylyp júrgenin biledi. Qyzyn ózimen birge Muǵaljar aýdany Qandyaǵash qalasyna ákeledi. 23 naýryz kúni saǵat 13:00 shamasynda 2022 jyly qańtarda týǵan ulyn, 9 sáýir 2024 jyly týǵan qyzyn óz qolymen tunshyqtyryp, ıaǵnı 2 nemese odan da kóp adamǵa, onyń ústine dármensiz jas balalaryn qasaqana óltirgen. Sábılerdiń máıitine taǵaıyndalǵan sot-medıınalyq qorytyndysyna sáıkes onyń ólimi mehanıkalyq asfeksııa. Tynys alý joldarynyń, murnynyń, aýyzynyń jabylýy, ıaǵnı jumsaq zatpen basýdan bolǵan. Tynys alý joldaryna qan quıylǵan», — dedi prokýror Eldar Ábıev.

Sýdıa kúdiktiniń psıhıkalyq aýrýy jáne onyń osyndaı jaǵdaıǵa jetkeni týraly basty sot talqylaýynda anyqtalatynyn aıtty. Iaǵnı aıyptalýshynyń kinásin, esi durys, ne durys emes ekenine qatysty sotta sheshimi qabyldanady.

«Bul kisi qazir óziniń densaýlyq jaǵdaıyna baılanysty áreketke qabiletsiz dep tanylǵan joq. Degenmen sot-medıınalyq zertteýler, saraptama negizinde áreketke qabiletsiz dep tanylyp tur», — dedi sýdıa Nurlan Baqtyǵalıev.

Basty sot talqylaýy 10 maýsymǵa taǵaıyndaldy.