Ұлттық құрылтайда Мемлекет басшысының тұтастық туралы ойы ұнады — Саясаттанушы

Киелі Атырау өңірінде Ұлттық Құрылтайдың кезекті отырысы басталып, заманауи мәселелер мен болашаққа бағытталған жоба-жоспарлар ортаға салынды. Әсіресе ұнаған ой, ол президентіміздің тұтастық туралы айтқаны ойы.

Алаш қайраткерлері мен Кеңес Одағы кезіндегі социалист тұлғаларды бір-біріне қарсы қою үрдісі — зиян, пайдасыз, қауіпті үрдіс. Біздің қоғам мін іздеп, тарихты қопарғанша, керісінше ұйысып, бір организмдай болашақта даму керек. Қасым-Жомарт Кемелұлының осы сөзі қатты ұнады.

“Анау мынаны сатты, анау мынаны бүйтті” дей береміз. Ал дәлелдедің, ал солай болсын-ақ. Не өзгереді? Зиратын қиратып, қабырынан қазып аласың ба? Әлде еш қатысы жоқ ұрпағын қудалайсың ба? Әлде соны дәлелдегеннен татулық пен тыныштық орнай ма? Жоқ … екі адамның шайқасы, соңында ру аралық жан-жалға ұласып кетуі ықтимал. Сондықтан, бізде мемлекеттік деңгейдегі тұтастық менталитеті керек.

Президент соны меңзеді. Сезіп отырмын.

Самат НҰРТАЗА, саясаттанушы